Costiella de ternera

A costiella de ternera ye un tallo de vacuno (buei, vaca u ternera) en que s'incluye tanto a parti superior d'una costiella de l'animal, como a carne que rodia a o ueso por as dos caras d'a costiella. Una chicota francha de carne se troba en a cara interna d'a costiella mientres que a mayor parti d'a carne se troba en a cara externa d'a costiella. Ixa porción prencipal de carne ye a que corresponde a os musclos que se troban chusto dencima de l'arca d'o peito de l'animal, mas que mas o musclo dorsal luengo (Erector spinae), pero tamién o Complexus y o Spinalis. A sección d'o costillamen emplegada en a obtención d'istos tallos de carne comprende dende a costiella numero 6 dica a 12.