Corz de Monzón (1362-1363)

De Biquipedia
(Reendrezau dende Cortz de Monzón (1362-1363))
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Corz de Monzón
1362-1363
Monzón
Información cheneral
Ciudat Monzón
Monarca Pero IV d'Aragón
Principals temas
- Aduya pa la guerra contra Castiella
- Se estableixe a Deputación d'o Cheneral
Corz Chenerals
Anteriors Posteriors
Monzón 1289 Monzón 1376
Corz d'o Reino d'Aragón
Anteriors Posteriors
Zaragoza-Borcha 1360 Zaragoza 1364-1365
Corz Catalanas
Anteriors Posteriors
Barc.-Vilafranca 1358 Barcelona-Leida 1364
Corz d'o Reino de Valencia
Anteriors Posteriors
Valencia 1360 Cullera-Valencia 1364
Mapa
Situación en Aragón

As Corz de Monzón de 1362-1363 estioron unas Corz Chenerals d'Aragón convocadas por o rei Pero IV d'Aragón en a ciudat de Monzón con l'obchectivo de conseguir una nueva financiación con a que fer cara a la guerra con Castiella. Se celebroron entre o 23 de noviembre de 1362 y o 12 d'abril de 1363.

Son consideradas como as cortz que consolidoron a creyación d'as Cheneralidaz d'os distintos estaus d'a Corona, que no ye atra cosa que o establimiento como institución permanent d'a Deputación d'o Cheneral, creyando o impuesto dito cheneralidatz, un tributo permanent y cheneral en tot o territorio que garantizaba unas finanzas propias administradas por una institución estable y dependient d'as Corz.

Ta par d'alavez yera chusticia d'Aragón y lugartenient d'as Corz Domingo Ximénez Cerdán.

Corz d'Aragón[editar | modificar o codigo]

Yeran presents, por o brazo reyal, as ciudaz de Zaragoza, Uesca, Tarazona, Chaca y Teruel, y as villas de Daroca, a Comunidat de Daroca, Alcanyiz, Borcha, Magallón, Almudévar y Mont Albán; por o brazo eclesiastico asistioron os bispes de Tarazona y Uesca, os vicarios chenerals de l'arcebispato de Zaragoza y d'o bispato de Segorb-Albarracín, os abaz de Mont Aragón y Roda, os procuradors d'os monesterios de Piedra y Veruela, o comendador de Monzón, o lugartenient d'a castellanía d'Amposta, y o procurador d'o mayestre de Calatrava; por o brazo noble, 11 miembros; y por o brazo d'os caballers, 8 miembros.[1]

Pa establir o reparto d'o donativo se presentoron dos propuestas, a d'as universidaz reyals d'una man, y la d'os atros tres estamentos d'una atra. A decisión reyal pa la distribución d'o pago d'as 60.000 libras entre os distintos brazos fue discutida por o brazo reyal, por abusiva. Asinas, o reyalenco, incluyindo Alcanyiz y Mont Albán, pagaría 28.000 libras; o brazo eclesiastico, 17.000; os nobles, 12.000; y os caballers, 3.000. Amás, o pago que correspondeba a las zonas ocupadas por os castellanos, l'habría de pagar o brazo a qui perteneixeba o territorio.[2] A propuesta aragonesa no establiba a forma de recaptación, pero tocant a la chestión d'os diners, estió pareixida a la establida en Catalunya, con cullidors residents en Zaragoza que recaptarían y administrarían os diners, 6 deputaus encargaus d'alcordar y pagar l'exercito, y uns contadors que controlarían a cuentas d'os primers, con total autonomía en a chestión y a distribución d'os diners.[3]

O 5 de marzo de 1363 se publicoron seis fueros:[4] cuan se presente una escritura en un pleito no se ye obligau a tornar-la a presentar, si no ye en una publicación de preba u si i hai indicios de falsedat; os chudicios de menos de 20 sueldos serán verbals; os notarios chenerals incluyiran o suyo domicilio en as escrituras que atorguen; se prohibe o cobro d'o dreito de paso de ganau (carnerache) en os puestos a on no yera establiu d'antis mas; o chuez, auditor u relator que accepte un sueldo de cualsiquier parti d'un pleito, será alpartau d'o suyo oficio por un anyo; y o litigant que alegando una excepción, estase venciu en iste, habrá de pagar a totalidat d'os costes.[5]

Autoridaz[editar | modificar o codigo]

En as actas d'istas Corz se nombra a l'arcebispe de Zaragoza Lope Ferrández de Luna, o bispe de Tarazona Pero Pérez Calvillo y o bispe de Uesca Ximeno Sánchez de Ribabellosa.

Referencias[editar | modificar o codigo]

  1. Savall y Dronda 1866: p. XIV.
  2. Lafuente Gómez 2009: p. 719.
  3. Baydal Sala 2011: I, p. 768.
  4. Savall y Dronda 1866: pp. 74,92,188,202,256-257.
  5. Montesa 1862: V, pp. 128-129.

Bibliografía[editar | modificar o codigo]

  • Luis González Antón, Las Cortes de Aragón, Zaragoza , Librería General, 1978. Cfr. 2. 3. 2. «Las Cortes Generales de Monzón», pach. 68-69.

Vinclos externos[editar | modificar o codigo]


Predecesor:
Corz de Monzón (1289)
Corz Chenerals d'Aragón
Corz de Monzón (1362-1363)
Succesor:
Corz de Monzón (1376)
Predecesor:
Corz de Zaragoza-Borcha (1360)
Corz d'o Reino d'Aragón
Corz de Monzón (1362-1363)
Succesor:
Corz de Zaragoza (1364-1365)
Predecesor:
Corz de Barcelona-Vilafranca-Cervera (1358)
Corz Catalanas
Corz de Monzón (1362-1363)
Succesor:
Corz de Barcelona-Leida (1364)
Predecesor:
Corz de Valencia (1360)
Corz d'o Reino de Valencia
Corz de Monzón (1362-1363)
Succesor:
Corz de Cullera-Valencia (1364)