Cortz d'Alcanyiz (1436)

Cortz d'Alcanyiz 1436
Ilesia de Santa María d'Alcanyiz
Información cheneral
Puesto	Ilesia de Santa María
Ciudat	Alcanyiz
Monarca	Alifonso V d'Aragón
Preside	Chuan II de Navarra
Principals temas
- Guerra con Italia
Cortz d'o Reino d'Aragón
Anteriors	Posteriors
Monzón 1435-1436	Zaragoza 1439

As Cortz d'Alcanyiz de 1436 estioron unas Cortz particulars d'o Reino d'Aragón convocadas en a ciudat d'Alcanyiz como continación d'as Cortz chenerals de Monzón celebradas entre 1435 y 1436. As Cortz fuoron convocadas y presididas por Chuan II, rei de Navarra y futuro rei d'Aragón, como lugartenient d'o suyo chirmán, o rei Alifonso V d'Aragón. Convocadas en primerías pa o 30 d'abril, fuoron prolargadas dica l'11 de mayo, quan a la fin s'ubrioron as primeras sesions. Rematoron o día 5 d'octubre.

En istas sesions s'estableixe que o cargo d'o Chusticia estase nomás responsable debant d'as Cortz y s'apreba un subsidio pa la continación d'a guerra en Italia.

Asistents

Entre os asistents d'o brazo relichioso se trobaban l'arcebispe de Zaragoza, Dalmau de Mur y Cervellón, o bispe de Uesca, Hugo d'Urriés, l'abat de Mont Aragón, o comendador mayor d'Alcanyiz, os priors de Roda y de Santa María d'Albarrazin y os procuradors d'os abatz de Rueda y Veruela.

Yera Chusticia d'Aragón por ixas envueltas Martín Díez d'Aux, qui tamién fació parti d'istas Cortz presidindo quantas sesions en ausencia d'o lugartenient d'o rei.

Bibliografía

• (es) "Cortes de Alcañiz, 1436". José Ángel Sesma Muñoz. Gobierno de Aragón. Centro del Libro de Aragón, 2007. ISBN 978-84-8380-063-8

Vinclos externos

• (es) Actas d'as Cortz d'Alcanyiz de 1436

Predecesor: Cortz de Monzón (1435-1436)

Cortz d'o Reino d'Aragón Cortz d'Alcanyiz (1436)

Succesor: Cortz de Zaragoza (1439)