Convoy (cinta de 1978)

Iste articlo ye sobre una cinta estausunidense de cine d'aventuras dramaticas d'acción de l'anyo 1978; ta atros usos, se veiga Convoy (desambigación).

Convoy
Títol	Convoy
Ficha tecnica
Dirección	Sam Peckinpah
Dirección artistica	J. Dennis Washington
Producción	Robert M. Sherman
Disenyo de producción	Fernando Carrere
Guión adaptau	Bill L. Norton
Basau en	"Convoy", canción de Bill Fries y Chip Davis (1975)
Musica	Chip Davis
Fotografía	Harry Stradling, Jr.
Montache	John Wright Garth Craven
Escenografía	Frank Lombardo
Maquillache	Stephen Abrums James Lee McCoy
Peluquería	Marina Pedraza
Efectos especials	Sass Bedig Candy Flanagin Marcel Vercoutere
Casting	Lynn Stalmaster
Actors	Kris Kristofferson Ali MacGraw Ernest Borgnine Burt Young Madge Sinclair Franklyn Ajaye Brian Davies Seymour Cassel Cassie Yates Walter Kelley Billy Hughes Jorge Russek Patrice Martínez Donnie Fritts Tommy Bush Spec O'Donnell Bill Foster
Color	Color by DeLuxe Panavision
Datos y cifras
País(es)	Estaus Unius
Anyo	1978
Estreno	10 de chunio de 1978 Chapón 28 de chunio de 1978 Los Angeles (California, Estaus Unius)
Chenero(s)	Cine d'aventuras Cine de drama Cine d'acción
Durada	111 min.
Idioma(s)	Anglés Castellano
Companyías
Productora(s)	EMI Films
Distribución	United Artists
Presupuesto	12 millons de dólars
Recauto	45 millons de dólars
Informacions en bases de datos especializadas:

Convoy (títol orichinal en anglés, en aragonés Convoi, estrenada en Aragón con o suyo títol orichinal) ye una cinta de cine estausunidense de cine d'aventuras dramaticas d'acción estrenada l'anyo 1978, dirichida por Sam Peckinpah seguntes un guión adaptau por Bill L. Norton (basau en "Convoy", una canción de Bill Fries y Chip Davis de 1975), con una banda sonora orichinal de Chip Davis, una dirección de fotografía de Harry Stradling, Jr. y una producción cinematografica de Robert M. Sherman ta la productora cinematografica EMI Films. De l'elenco d'a cinta en fan parte, entre d'atros actors, Kris Kristofferson, Ali MacGraw, Ernest Borgnine, Burt Young, Madge Sinclair, Franklyn Ajaye, Brian Davies, Seymour Cassel, Cassie Yates, Walter Kelley, Billy Hughes, Jorge Russek, Patrice Martínez, Donnie Fritts, Tommy Bush, Spec O'Donnell y Bill Foster.

O cambionero Martin "Rubber Duck" Penwald ye conducindo lo suyo cambión por o disierto d'Arizona cun lo debanta una muller conducindo un Jaguar E-Type. Dimpués troba a los suyos amigos Pig Pen/Love Machine y Spider Mike, que li explican que bel atro "cambionero" lis heba dito que podeban augmentar a velocidat ta dimpués trobar-se extorsionaus por 70 dólars cadaguno por o "sheriff" "Dirty" Lyle Wallace, un viello enemigo de Duck. Toz chuntos marchan enta lo bar a on i treballa la ex novia de Duck, Violet. Astí troban tamién a Melissa, la conductora d'o Jaguar, que ha teniu que vender l'auto en haber cayiu en pana y no tener diners ta continar o suyo viache enta Dallas (Texas) a on aspera trobar treballo. Duck s'ufre a levar-la dica Dallas, pero cuan apareixe Wallace y prencipian a burlar-se d'él por radio, esclata una baralla y Mike colpeya a Wallace. Por ixo, deciden marchar toz enta la muga con Texas, ta evitar así estar engarcholaus. Wallace los persigue por tot Arizona y Nuevo Mexico, dica que Duck lo fa fuera d'a carretera. Wallace demana aduya a las policías locals y como atamas d'ixo los cambions continan a suya ruta, mica en mica se converten en herois, fendo que mesmo lo gubernador de Nuevo Mexico dentre en contacto con éls, intresau en obtener redito politico. Tanimientres, Spider Mike ha albandonau o convoi (que vada vegada ye formau por mas cambions) ta marchar enta casa suya en haber naixiu un fillo, pero ye arrestau y engarcholau por Wallace y un sheriff corrupto local, ta provocar que Dick i vienga y poder arrestar-lo. Cuan comunican por radio a lo convoi que Mike ha estau tamién obchecto de violencias fisicas, deciden marchar ta rescatar-lo, asaltando con o cambión a garchola. A la fin, Duck se troba cerclau por fuerzas policials y d'a Guardia Nacional y se troba en una situación difícil, que plega a la fin con o suyo cambión esclatando en flamas y cayendo enta lo río por un puent.

A cinta s'ambienta en a suya epoca actual (1978) en os estaus d'Arizona, Nuevo Mexico y Texas; y las suyas escenas se filmoron en Albuquerque, Algodones, Belen, Bernalillo, Cuba, Estancia, Las Vegas, Los Cerrillos, Madrid y atras localizacions en Nuevo Mexico, Tucson en Arizona y Needles en California.

Convoy ha recibiu bels premios y nominacions, encara que garra d'éls no perteneixe a los premios cinematograficos mas conoixius u destacaus.

Elenco

Actor	Papel	Notas
	'

Se veiga tamién

• Cine en 1978.
• Cintas de 1978.

Vinclos externos

• (en) Convoy en Internet Movie Database.
• (en) Convoy en l'American Film Institute Catalog de l'American Film Institute.
• (en) Convoy en Box Office Mojo.
• (en) Convoy en Rotten Tomatoes.

• Datos: Q510388