Constanza de Secilia

De Biquipedia
Ir a la navegación Ir a la búsqueda
Constanza de Secilia
Konstancie Sic.jpg

1276-1302

1282-1302

Naixencia 1249
Catania
Muerte 9 d'abril de 1302
Barcelona
Predecesor Teresa Chil de Vidaurre
Succesor Isabel de Castiella
Conchuche/s Pero III d'Aragón
Descendencia Alifonso III d'Aragón
Chaime II d'Aragón
Isabel de Aragón
Federico II de Secilia
Violant d'Aragón y Secilia
Pero d'Aragón y Secilia
Dinastía Hohenstaufen
Pai Manfredo de Secilia

Escudo de Constanza de Secilia

Constanza de Secilia u Constanza de Suebia (Secilia, 1249 - Barcelona, 1302) estió reina consort d'Aragón (1276-1302) y reina de Secilia (1282-1302).

Biografía[editar | editar código]

Yera filla de Manfredo I de Secilia y de Beatriz de Saboya. Nieta d'o emperador Frederico II por parti paterna y d'o conte Amadeo IV de Saboya por parti materna. En 1262 se casó con o infante Pero, que mas tardi se convertiría en o rei Pero III d'Aragón. Iste matrimonio, que sellaba l'alianza entre Aragón y Secilia, sirvió ta estendillar a influyencia aragonesa en a Mediterrania central en perchudicio d'os intreses franceses.

Quan Carlos d'Anchú prenió a cadiera de Secilia en 1266 a Manfredo I, os prencipales chefes d'os chibelinos secilianos se refuchioron en a cort aragonesa, entre ells as familias d'os Lanza, Lauria y Procidas. Quan se produció a revuelta d'as Viespras secilianas en 1282, o rei Pero pidió a man de Constanza, heredera d'o reino, y os dos fuoron coronaus como reis de Secilia. Pero encargó o gubierno d'a isla a la reina y a os infants Chaime y Frederico, encara que Constanza prefirió deixar o gubierno en mans d'os suyos fillos. En 1285 quedó viuda y en 1297 se tresladó enta un convento de clarisas en Barcelona, a on murió en 1302.

Sepultura[editar | editar código]

Sepulcre d'a reina Constanza de Secilia, muller de Pero III o Gran, en a Seu de Barcelona.

A la muerte d'a reina, o suyo cuerpo sin vida fue apedecau en o Convento de Sant Francisco de Barcelona, a on a o largo d'a Edad Meya fuoron enterrecaus a-saber-los miembros d'a familia reyal aragonesa, incluyindo a o propio fillo de Constanza de Secilia, Alifonso III o Liberal. Astí permaneixió o calabre d'a muller de Pero III mientres quantos sieglos, dica que en 1835 o Convento de San Francisco fue espaldau, y a mayoría d'as restas d'as personas reyales astí sepultadas, incluyindo a la reina Constanza y a o suyo fillo Alifonso, fuoron tresladaus a la Seu de Barcelona.

En o sieglo XX, as restas d'a reina fuoron ficadas en un sepulcre, en o canto ezquierdo de l'Altar Mayor d'a Seu de Barcelona, en o que tamién se troban as restas mortals d'atras dos reinas d'Aragón, a reina María de Chipre, muller de Chaime II d'Aragón, y a reina Sibila de Fortiá, quarta muller de Pero IV o Ceremonioso. En o mesmo sepulcre tamién descansan as restas d'a reina Alionor d'Aragón, reina de Chipre por o suyo matrimonio con Pero I de Chipre, y nieta de Chaime II d'Aragón. Os sepulcres, en os que se ficoron as restas d'as reinas en 1998, fuoron reyalizaus por l'artista catalán Frederic Marès.

Matrimonio y descendencia[editar | editar código]

Escudo.

A voda entre Constanza y Pero se celebró en a seu de Montpeller o 13 de chunio de 1262. D'iste matrimonio naixioron os siguients fillos:

Bibliografía[editar | editar código]

  • (es) "Sepulcros de la Casa Real de Aragón". Ricardo del Arco y Garay, 1945, Instituto Jerónimo Zurita. Consejo Superior de Investigaciones Científicas. Madrid. OCLC 11818414.

Enlaces externos[editar | editar código]

Referencias[editar | editar código]


Predecesora:
Teresa Chil de Vidaurre
Reina consort d'Aragón
1251-1285
Succesora:
Isabel de Castiella