Congosto

De Biquipedia
(Reendrezato dende Congustro)
Ir a la navegación Ir a la búsqueda
Congosto de Wire Pass, un congosto de fendidura cerca de Kanab (Utah).

Un congosto u congostro ye una foz que complega las qualidatz de muita altaria de ripas y de muita estreitura entre ellas.[1] Los slot canyons de los cheomorfologos son una forma extrema de congostro.

Etimolochía y variants[editar | editar código]

Lo congostro de Ventamillo entre Campo y la val de Benás.

La palabra congosto deriva de lo latín COANGUSTUM, se presenta tamién en castellán, y tiene la suya continación en catalán como congost. En chistabín y en baixo-ribagorzán se documenta la variant con metafonía vocalica congusto,[2][3] que ha formau un microtoponimo en La Puebla de Castro.[4] La forma sin metafonía congosto ye la mes estendida y tamién ye documentada en textos medievals pero no fegura en los diccionarios locals por no estar un elemento diferencial respecto a lo castellán.

En Ribagorza se presenta la variant congostro dende la val de Benás dica Ribagorza Baixa,[5][6][3] y tamién bi ha variants con metafonía como congustro y congrusto en Ribagorza Baixa.[3] Estas variants han formau microtoponimos en Vulturina y Grustán.[4]

Toponimia[editar | editar código]

Lo congostro de Mont-rebei visto dende adintro, ye envistable una mayor estreitura y altaria que en atras formas d'erosión fluvial con ripas verticals y altas.

Son microtoponimos que van acompanyaus de l'oronimo chenerico congostro u congosto:

En la Peninsula Iberica destacan como toponimos formaus con esta radiz:

Referencias[editar | editar código]

  1. (es) Fernando Biarge López, Aurelio Biarge, José Antonio Cuchi, Enrique Salamero: Cañones y barrancos. Un medio excepcional. Editorial: El Patrimonio Natural Altoaragonés, Uesca, 2005, p 21.
  2. (es) BLAS GABARDA, Fernando y ROMANOS HERNANDO, Fernando, Diccionario Aragonés: Chistabín-Castellano; Gara d'Edizions. Zaragoza, 2008. p. 165.
  3. 3,0 3,1 3,2 (es) María Luisa Arnal Purroy Diccionario del habla de la Baja Ribagorza Occidental. Gara d'edicions, 2003. p 76.
  4. 4,0 4,1 (es) Carlos Ángel Rizos Jiménez: Toponimia de la Baja Ribagorza Occidental. Universitat de Leida, 2005.
  5. (es) Ángel Ballarín Cornel: Diccionario del Benasqués. Institución Fernando el Católico, Zaragoza, segunda edición 1978. p 270.
  6. (es) Mascaray Sin, Bienvenido: Vocabulario del habla de Campo (Ribagorza, Huesca). Xordica Editorial, 2014. p 116.

Bibliografía[editar | editar código]