Condor's Nest

Condor's Nest
Títol	Condor's Nest
Ficha tecnica
Dirección	Phil Blattenberger
Producción	Dan Black Phil Blattenberger Jacob Keohane
Guión orichinal	Phil Blattenberger
Musica	Christof Unterberger
Fotografía	Daniel Troyer
Montache	Nico Alba
Maquillache	Amy Castro Megan Amberly Grant
Peluquería	Amy Castro
Efectos especials	Edy Enriquez Carter Burr-Kirven
Casting	Dan Black
Actors	Marcus Hanson Brandon Tyler Moore Jamie Roy Michael Ironside Jackson Rathbone Arnold Vosloo Jorge Garcia Bruce Davison James Urbaniak Torsten Kellar Michael Tourek Greg Kriek Hunter Thore Chad Ayers Jacob Keohane Adrienne McQueen Triston Dye Corinne Britti
Datos y cifras
País(es)	Estaus Unius
Anyo	2023
Estreno	27 de chinero de 2023 Estaus Unius
Chenero(s)	Cine d'intriga Cine d'acción
Idioma(s)	Anglés Alemán
Companyías
Productora(s)	MBG Films Lost Galleon Films Uncharted Entertainment
Distribución	Saban Films

Condor's Nest (títol orichinal en anglés, en aragonés Niedo d'o condor, estrenada en Aragón con o suyo títol traduciu enta lo castellano como El nido del cóndor) ye una cinta de cine estausunidense de cine d'intriga d'acción estrenada en 2023, dirichida por Phil Blattenberger seguntes un guión orichinal d'él mesmo, con una banda sonora orichinal de Christof Unterberger, una dirección de fotografía de Daniel Troyer, una producción cinematografica de Dan Black, Phil Blattenberger y Jacob Keohane ta las productoras MBG Films, Lost Galleon Films y Uncharted Entertainment y un elenco formau por Marcus Hanson, Brandon Tyler Moore, Jamie Roy, Michael Ironside, Jackson Rathbone, Arnold Vosloo, Jorge Garcia, Bruce Davison, James Urbaniak, Torsten Kellar, Michael Tourek, Greg Kriek, Hunter Thore, Chad Ayers, Jacob Keohane, Adrienne McQueen, Triston Dye y Corinne Britti, entre d'atros actors.

En 1944, mientres a Segunda Guerra Mundial, a un bombardero de l'exercito estausunidense que marcha ta bombardiar l'interior d'o Tercer Reich l'han feito cayer os alemans sobre Alsacia. Una part d'a suya tripulación ha muerto en cayer en o suelo, pero una atra ha sobreviviu. Tanimientres, bien luego i plega una unidat d'as Schutzstaffel alemanas, mandadas por o coronel Martin Bach, qui fa un interrogatorio brutal a los aviadors matando-los un a un, dica exterminar-los a toz. Tanimientres, un d'éls, o sarchento Lewis, yera amagau amán y podió veyer os feitos. En rematar a guerra, s'adedica terne que terne a perseguir a lo coronel ta vengar a los suyos amigos. En 1954 se troba seguindo la suya pista en Archentina, que lo leva enta la selva tropical de Paraguai. En ixe lugar captura a un cientifico alemán, que tien amplas conoixencias sobre cómo fabricar una bomba atomica y iste li promete que si l'aduya a plegar enta un aerodromo en Bolivia a on l'aspera un achent secreto d'a Unión Sovietica ta tranportar-lo enta dito país, fará plegar a Lewis enta lo puesto a on se i amaga lo coronel. Lewis accepta lo tracto, pero bien luego troban a una achent d'o Mossad, os servicios secretos d'Israel, que sigue la pista d'o cientifico. Lewis lo fa pasar por su pai pero cuan finalment l'achent israelina descubre la verdat, o cientifico confiesa un gran secreto: o coronel que busca Lewis ye treballando como chefe d'o servicio de protección de Heinrich Himmler, qui s'ha amagau en as selvas tropicals ta preparar o renaiximiento d'o nazismo, y Lewis convence a l'achent israelina ta que accepte retardar a captura d'o cientifico alemán ta poder él matar a Bach y ella a Himmler.

A cinta s'ambienta en dos momentos y lugars bien diferents: en 1944 mientres a Segunda Guerra Mundial en Alsacia (Francia) y en 1954 en Archentina, Bolivia y Paraguai, y las suyas escenas se filmoron en localizacions en Utah, en Conroe (Texas) y en Greensboro y Ringwood (Carolina d'o Norte) en os Estaus Unius, y en Cuzco (provincia de Cuzco), Paracas (provincia de Pisco) y Iquitos (provincia de Maynas) en Perú.

Elenco

Actor	Papel	Notas
	'

Se veiga tamién

• Cine en 2023.
• Cintas de 2023.

Vinclos externos

• (en) Condor's Nest en Internet Movie Database.
• (es) Condor's Nest en FilmAffinity.