Comité d'Interpresa

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

En o Dreito laboral, un comité d'interpresa ye un organo representativo y colechiau (ye dicir, que prene as decisions por mayoría d'os suyos miembros), formau por os representants de os treballadors en una interpresa u centro de treballo. Iste comité se forma en as interpresas que tienen una plantilla de mas de 50 treballadors. O numero de miembros d'o comité ye de 5 miembros en interpresas de mas de 50 treballadors dica 100, y se va incrementando seguntes a plantilla d'a interpresa. Iste baremo ye regulau en os articlos 72.2 d'o Estatuto d'os Treballadors (E.T.) y 9.4 d'o Real Decreto 1.844/1994, d'acuerdo con una escala establida en l'articlo 66 d'o E.T. que va dende cinco miembros en os centros dende 50 dicaa 100 treballadors dica os vinte-uno en os centros dende 751 dica 1.000 treballador; dimpués, por d'encima d'ixa cantidat bi habrá dos vocals mas por cada mil treballadors u fracción, con o topallo maximo de sietanta-cinco representants.

En os centros de treballo afincaus en una mesma provincia u en municipios que fayan buega y que no pleguen en a cifra de cincuanta treballadors, pero sí los sumen en o suyo conchunto, podrán fer un comité d'interpresa conchunto.

Ye regulau por l'articlo 63 d'o Estatuto d'os Treballadors.

A forma d'esleyir a os miembros d'o comité d'interpresa ye por o procedimiento de listas zarratas, a on cada votant puede esleyir una candidatura sin fer-ne marcas ni distincions. Malas que ye ubierta a urna, se fa o recuento y l'asignación de representants se fa por o sistema proporcional, eliminando as candidaturas que no pleguen en o 5% d'os votos con valura, repartindo en primerías por anters y dimpués por os decimals mas altos dica cubrir os puestos.

Os miembros d'o Comité d'Interpresa tiene como función prencipal negociar y fer cumplir o convenio colectivo, pero ta ixo l'Estatuto d'os Treballadors lis asigna un conchunto de facultaz en l'articlo 64 d'o E.T., como recibir información d'o empresario en materia de sancions greus, accidents, absentismos, evolución d'a interpresa... cusirar o cumplimiento d'a normativa laboral y d'a Seguridat Social, fer informes en determinaus casos como reestructuración de plantillas, formación, ERE's, etc.

A lei regula en favor d'os representants legals d'os treballadors un ixambre de garantías ta fer cara a posibles actuacions interpresarials que podesen fer entrepuces a la suya labor, comoson:

  1. No puede despedir-los u sancionar-los entre que fayan as suyas funcions ni tampoco, dica dimpués d'una anyada d'o suyo mandato.
  2. Cal ubrir un expedient contradictorio ta la imposición de sancionss por faltas greus y muy greus.
  3. Tienen o dreito d'elección entre readmisión u indemnización en os supuestos de despido improcedent (arts. 56.4 E.T. y 110.2 L.P.L.).
  4. Tienen prioridat de quedar-se en o suyo puesto de treballo, en os supuestos d'extinción d'o contracto u suspensión de contractos por causas económicas, tecnicas, organizativas u productivas y fuerza mayor (art. 68.b E.T.).
  5. A prioridad de quedar-se en o suyo puesto de treballo, en os supuestos de movilidad cheografica (art. 40.5 E.T.).