Colectividat territorial

Una colectividat territorial (en francés collectivité territoriale) ye una administración y un subchecto publico, distinto d'o Estau francés, que exerce bellas competencias que le son atribuyidas sobre un territorio determinau. As colectividaz territorials d'a Republica Francesa son definidas en l'articlo 72 d'a Constitución: istas son as comunas (fr. communes), os departamentos (fr. départements), as rechions (fr. régions), as colectividades de status particular y bellas colectividaz d'ultramar.

Iste termin substituye a o de colectividat local (fr. collectivité locale) dende a revisión constitucional d'o 28 de marzo de 2003. Manimenos, encara ye emplegau, como por eixemplo en a Dirección Cheneral de colectividaz locals (fr. Direction générale des collectivités locales) d'o Ministerio de l'Interior de Francia.

Caracteristicas

Una colectividat territorial presenta tres caracteristicas:

• personalidat churidica;
• competencias;
• libertat d'administración

Reforma d'as colectividaz territorials

O president Nicolas Sarkozy y o segundo gubierno de François Fillon metioron en marcha a partir de chinero de 2008 una reforma d'as colectividaz territorials. Ista estió finalment adoptada por o Parlamento o 17 de noviembre de 2010.

Os 3.485 consellers territorials habrían debiu d'estar eslechius en 2014 en escrutinio uninominal mayoritario a dos vueltas con un branquil de cualificación fixau en o 12,5% d'os inscritos y una estricta paridat de chenero. Manimenos ye probable que iste nuevo cargo electo no veiga a luz debiu a o prochecto de lei que leva ta l'abandono d'ista reforma presentau en noviembre de 2012 por o gubierno de Jean-Marc Ayrault.

Se veiga tamién

• Organización territorial de Francia

Referencias

• Datos: Q583865