Coturnix

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

*Coturnix*
Coturnix coturnix
Denominacions populars
cotorniz / codorniz, gualla / guanlla, guailla, palpala
Clasificación cientifica
Dominio:	Eukaryota
Reino:	Animalia
Filo:	Chordata
Clase:	Aves
Orden:	Galliformes
Familia:	Phasianidae
Chenero:	Coturnix
Descripción
*Coturnix* Bonnaterre, 1791

Coturnix (Bonnaterre, 1791) ye un chenero que contiene 9 especies^[1] d'aus galliformes de tamanyo chicorrón, conoixidas en aragonés como cotornices,^[2]^[3] codornices^[3], guallas^[3]^[2]^{[nota 1]} u palpalas^[2].

As especies miembros de o chenero Coturnix habitan en o Viello Mundo y Oceanía, incluindo-se Australia y Nueva Zelanda.

Descripción

As cotornices son aus chicorronas, d'entre 15 y 25 centimetros de lonchitut corporal, y formas arronchadetas, semellants a una perdiz menudeta. Como as suyas parients as perdices, son mayoritariament terrestres anque son capables ta o volido, que gosa estar pesau y de curtas distancias.

Anque por a especie mas frecuent en Aragón, Coturnix coturnix, se gosa tener a imáchen de que as cotornices tienen una coloración creptica, marrón con piquetas negras, en realidat i ha especies en atras latituz que arriban a tener colors muit vitariscas y vistosas.

Hábitat

En Europa, as cotornices son especies propias d'espacios ubiertos, y refusan internar-se en a selva u en os matullars, a on que podrían trobar-ie obstaclos ta enchegar-se a volar si les calese. S'estiman mas os praus y as uebras, a on que i troban simients y insectos que constituyen a suya dieta, y puestos en os que a hierba altera oculte os suyos niedos de a vista d'os depredadors.

Especies

As 9 especies descritas de Coturnix^[1] son:

Imáchens

Zoonimia

O lexicografo y naturalista Rafel Vidaller documenta a parola «cotorniz», en o suyo libro O Libro de As Matas y Os Animals, en as localidaz de a Espunya, Boltanya y Chistén,^[3] todas tres en Sobrarbe. A forma codorniz a documenta en as Corz^[3] en a Fueva, y en Tramacastiella de Tena^[3] en a val de Tena.

O nombre de gualla (y bellas variants, como «guanlla»^[3] y «guatlla»^[3]) se documentan en l'aria enterament oriental, mas que mas en nuclios de Ribagorza. Asinas, Vidaller la recopila en Esdolomada, Benás, Erisué, Chía, Llire, en Saúnc,^[3] en Torres, en Castanesa y en Graus. O doctor Francisco Salamero, lexicografo aficcionau de Ribagorza baixa, tamién documenta gualla en a val d'o Sarrón, en a zona lingüisticament peculiar de Torres y Chuseu.^[4] Presenta formas pareixidas en catalán (guatlla), y en francés (caille), y ye una parola d'orichen francico.

Se veiga tamién

Notas

↑ Con a variant guanlla y guailla

Referencias

1 2 Clements, J. F. 2007. The Clements Checklist of Birds of the World, 6th Edition. Cornell University Press.
1 2 3 (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
1 2 3 4 5 6 7 8 9 (an) VIDALLER TRICAS, Rafel, Libro de As Matas y Os Animals; Dizionario aragonés d'espezies animals y bechetals; Ed. Val d'Onsera. Zaragoza 2004. ISBN 978-84-8986-235-7
↑ (es) SALAMERO REYMUNDO, Francisco, Léxico peculiar de Torres del Obispo (Ribagorza); Semejanzas y diferencias con el castellano y el catalán; Institución Fernando el Católico. Zaragoza, 1991.

Vinclos externos

Biquiespecies

Se veiga a información de Biquiespecies sobre Coturnix.

Se veigan as imáchens de Commons sobre Coturnix.

Datos: Q1869243
Multimedia: Coturnix / Q1869243
Especies: Coturnix

[4] Con a variant guanlla y guailla

[cle-1] 1 2 Clements, J. F. 2007. The Clements Checklist of Birds of the World, 6th Edition. Cornell University Press.

[DACC-2] 1 2 3 (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).

[VIDALLER-3] 1 2 3 4 5 6 7 8 9 (an) VIDALLER TRICAS, Rafel, Libro de As Matas y Os Animals; Dizionario aragonés d'espezies animals y bechetals; Ed. Val d'Onsera. Zaragoza 2004. ISBN 978-84-8986-235-7

[SALAMEROhablla-5] (es) SALAMERO REYMUNDO, Francisco, Léxico peculiar de Torres del Obispo (Ribagorza); Semejanzas y diferencias con el castellano y el catalán; Institución Fernando el Católico. Zaragoza, 1991.

[1]

[2]

[3]

[nota 1]

[4]