Cocineta
Un cocineta[1] u cocinera[1] ye un artefacto pa cocinar birollas u alimentos, y que puet funcionar por meyo de diversos combustibles u por electricidat.[2]. Tamién se conoixe como cociniella[1][nota 1] u cocinyón[1], mas que mas en a suya versión economica u portatil.
As cocinetas modernas tienen una serie de fogons y pueden incluyir un u mas fornos y un asador.
Seguntes o modo de cocinar os alimentos, una cocineta sirve pa fer bullir, fer cocer, fer freyir, fer asar u fundir. Os alimentos se cocinan por un regular meyant utensilios de cocina (como cazuelas, sartainas, tarrazos u esparrillas).
Seguridat
[editar | modificar o codigo]Debiu a la naturaleza d'as cocinetas —que emplegan una sustancia inflamable (u electricidat) con lo que arriban a altas temperaturas— han de prener-se bellas midas minimas de seguridat, en especial si en o fogar i hai ninos.
- Nunca no deixar un fogón encendiu sin d'estar a l'atisba.
- Os utensilios de cocina (ollas, sartainas) han de quedar ubicados con as anseras enta adintro, pa privar que un nino se cuelgue u s'enganche.
- Zarrar o subministro de gas si a vivienda se va a deixar vueita cuantos días.
- Mantener a os ninos, adultos con diversidat funcional, mascotas y plantas aleixaus d'a cocina.
Ye aconsellable crompar as cocinetas de gas con valvula de seguridat. Ista valvula talla o fluxo de gas en caso de que a flama s'amorte (por una corrient d'aire).
Se veiga tamién
[editar | modificar o codigo]Notas
[editar | modificar o codigo]- ↑ Con a variant cociniello
Referencias
[editar | modificar o codigo]- ↑ 1,0 1,1 1,2 1,3 (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
- ↑ (en) Kitchen Cleaning
