Cocina d'inducción
|
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
A cocina d'inducción ye un electrodomestico que fa servir o escalfamiento por inducción ta trasmitir a calor sobre os recipients, en oposición a la transferencia de calor que ye l'alazaet d'as tradicionals cocinas electricas u de gas. Ta poder emplegar-se en una cocina d'inducción, os recipients han d'estar fabricaus con metals ferromagneticos. Ta os recipients no ferromagneticos se puede meter debaixo discos adaptadors que permitan adaptar-los a la cocina d'inducción.
En una cocina d'inducción os inductors debaixo d'os recipients son formaus por bobinas de filos d'arambre enrrollaus. A corrient alterna circula por a bobina creyando asinas un campo magnetico oscilant. Iste campo produce corrient electrica en o recipient. O fluxo de corrient en o metal produce una resistencia que escalfa a birolla. Encara que a corrient ye gran, ista ye producida por un baixo voltache.
Una cocina d'inducción ye mas rapeda y mas eficient que as tradicionals cocinas electricas. Permite un control instantaneo d'a enerchía de cocción igual que en as cocinas de gas. Atros metodos de cocinado emplegan flamas u elementos resistivos a o royo vivo, pero en a inducción se calienta nomás o recipient. Como a superficie d'a cocina se calienta nomás debiu a o contacto con o recipient, o riesgo de cremar-se en tocar-la ye significativament menor que en atros tipos de cocinas. L'efecto d'a inducción no calienta l'aire d'arredol d'o recipient, por o que a eficiencia enerchetica ye mayor. L'aire d'a refricheración sale a traviés d'a electronica, pero tien una temperatura poco mayor que la de l'ambient.
As propiedatz magneticas d'un recipient d'acero fan que a corrient inducida se concentre en una fina capa amán d'a suya superficie, lo que fa l'efecto d'o escalfamiento mayor. En materials no magneticos como l'aluminio o campo magnetico penetra muito y a corrient inducida troba poca resistencia en o metal.[1] Existe tamién bella versión de cocina d'inducción valida ta totz os metals, pero que tien manimenos una baixa eficiencia quan treballa con recipients no magneticos.
Referencias[editar | modificar o codigo]
- ↑ (en) A comparative study of resonant inverter topologies used in induction cookers. Llorente, S.; Monterde, F.; Burdio, J.M.; Acero, J., 2002