Ciudat independient

De Biquipedia
(Reendrezau dende Ciudat libre de districto)
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Ciudaz independients d'Alemanya en 2016

En Alemanya, una ciudat independient u ciudat libre de districto (en alemán kreisfreie Stadt) ye o nombre que se da en Alemanya a las ciudaz que tienen o suyo propio gubierno. Dito gubierno d'a ciudat ye independient de tot d'o gubierno d'o siguient livel d'autoridat, o districto (en alemán Landkreis). Actualment, a mayoría de ciudaz que tienen iste estatus son grans ciudaz con 100.000 u mas habitants. En muitos casos o títol s'ha concediu historicament, lo que fa que muitas grans ciudaz de mas de 100.000 habitants no tiengan iste estatus, asinas Recklinghausen u Göttingen (as dos con mas de 120.000 habitants) fan parti d'un Landkreis y no son ciudaz libres.

A ciudat mas chicota con ista mena d'estatus ye Zweibrücken con bels 35.000 habitadors, mientres que a ciudat mas gran ye Múnich, con mas d'1,3 millons. Hamburgo y Berlín tienen mas población que ista zaguera, encara que no se consideran ciudaz libres de districto por estar ciudaz estau. Un atra curiosidat ye o estau de Bremen, formau por dos ciudaz libres de districto (en alemán kreisfreie Städte), a ciudat de Bremen, y a ciudat de Bremerhaven, a bels 60 km a o norte d'a primera. Alto u baixo meyo millón de personas viven en Bremen (1,5 millons en a suya aria metropolitana) y bels 117.000 en Bremerhaven.

Bi ha tamién bellas ciudaz ditas Große selbständige Stadt (en aragonés Ciudat con gran sobiranía) que, encara que no'n fan parti, nomás son responsables de chestionar o suyo districto. Todas ellas se troban en o estau d'a Baixa Saxonia y son Celle, Cuxhaven, Goslar, Hameln, Hildesheim, Lingen, y Lüneburg.

Conceptos parellanos a las kreisfreie Stadt son as "autoridaz unitarias" (en anglés unitary authority) en o Reino Uniu, u as "ciudaz independients" (en anglés independent city) en os Estaus Unius.

En 2013 yeran 110 as ciudaz que tenian iste títol, a mayor parti grans ciudaz que tienen historicament una tradición d'autonomía administrativa.

Vinclos externos[editar | modificar o codigo]