Circasians

De Biquipedia
Ir ta: navego, busca
Circasians
Адыгэ
100px
Sobranie cherkesskikh knyazey.PNG
Circasians
Rechions con comunidatz importants
Flag of Russia.svg Rusia
Flag of Turkey.svg Turquía
Flag of Jordan.svg Chordania
Idiomas
Luenga circasiana
Relichión
Islam

Os circasians son un conchunto de pueblos con un orichen común de luenga caucasica nordoccidental. Antigament habitaban a ribera d'o Kubán y as planas d'o norueste d'o Caucas pero muitos prefioron emigrar ta o Imperio Otomán a estar sozmesos por os rusos y actualment a distribución d'os circasians en o suyo país orichinal ye en forma d'enclaus sin continuidat territorial. En Turquía son o 2,1 % d'a población y son numerosos en a rechión d'Adana.[1] Tamién son numerosos en Chordania y bi n'ha comunidatz en Israel.

Modo de vida tradicional[editar | editar código]

Bi ha circasians agricultors. As tierras d'os circasians que se'n fueron perdioron a productividat quan los sustituyoron os ucraineses y rusos que no conoixeban as tecnicas de cautivo. A pasta de panizo ye fundamental en l'alimentación tradicional d'os circasians.

Organización social[editar | editar código]

Os circasians tienen un codigo moral tradicional. O circasians son famosos en Orient Meyo por a honradeza, y en Chordania constituyen a escolta cerimonial d'o rei. A familia ye extensa y muito unita, y bi ha respeto a los agüelos. O matrimonio con una presona que comparta l'apellito d'o padre u d'a madre ye prohibito. Antes de 1864 no i heba una autoridat central. Os shapsugui y natujais yeran republicans y atras tribus yeran se gobernaban con o feudalismo.

Luenga[editar | editar código]

Gnome-searchtool.svg
Ta más detalles, veyer l'articlo Idioma adigueuveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].
Gnome-searchtool.svg
Ta más detalles, veyer l'articlo Idioma kabardoveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

A luenga circasiana tien cierto grau d'intercomprensión con l'abkhasio y l'abazo. As primeras prebatinas d'escribir o circasián son d'o sieglo XIX. Bi ha dos standards, o circasián occidental, basato en a parla temirgoi, y o circasián oriental, basato en a parla bacsana de qualques cabardos. O circasián oriental s'escribiba en alfabeto arabe dica 1924, quan fue cambiato por l'alfabeto latín. En 1936 l'alfabeto latín fue cambiato por o cirilico. O circasián occidental s'escribiba en alfabeto arabe dica 1928, quan fue cambiato por l'alfabeto latín. En 1938 l'alfabeto latín fue cambiato por o cirilico, pero con una variant diferent pa dificultar a comunicación escrita con os que charran circasián oriental, abkhasio u abazo.

Relichión[editar | editar código]

Actualment a mayoría d'os circasians son musulmans sunnitas d'a escuela hanafí, enantes estioron cristians, y entre os cabardos bi ha una minoría cristiana ortodoxa rusa. A cristianización y a islamización d'os circasians estió superficial y mantenioron dica fa poco tiempo muitas creyencias y practicas paganas, como a dendrolatía. Comparten con os osetas un ciclo de literatura epica (os Nartos) con temas pagans que se remontan a la mitolochía scita, sarmata y alana.

Historia[editar | editar código]

Os circasians teneban relacions con o Imperio Bizantín, y dende o sieglo XII teneban relacions comercials y culturals con os venecians y chenoveses. Circasia fue invadita por as tropas de Tamerlán a zaguers d'o sieglo XIV. A caita de Costantinoble en 1453 fació que o comercio con Italia s'aturase. Os movimientos de población que i habió quan o Khanato d'a Horda d'Oro entró en decadencia facioron que os circasians emigrasen enta o sudeste empentando a los alans-osetas enta l'este.

Os primers contactos entre circasians y rusos se producioron en o sieglo XVI, quan se creyoron os primers puestos cosacos pa cosirar a muga con os pueblos d'o Caucas. Ivan o terrible se casó con una princesa cabarda. Por o tractato de Adrianopolis en 1829 o Imperio Otomán cedió as tierras d'os circasians a lo Imperio Ruso. Os circasians nunca no heban reconoixito o protectorato otomán, y doncas no reconoixeban o dreito de ceder tierras a los rusos.

A derrota final se produció en 1864, dende ixe anyo a metat d'os aborichens caucasians d'o norueste se refuchioron en o en o Imperio Otomán: os emigratos yeran principalment circasians occidentals, pero con ellos tamién emigroron totz os ubikhes y muitos abkhasios. O exodo estió rapedo y no yera organizato, y mils en morioron de camín. As tierras d'os circasians fuoron ocupatas por ucraineses y rusos. Os otomans asentoron a los circasians en l'Armenia Otomana y tamién en Dobrucha y Siria (que en ixe tiempo comprendeba os actuals Israel, Palestina y Chordania).

Os circasians arribatos en Adana contribuyoron a lo desarrollo d'o cautivo d'o cotón en a part oriental de Cilicia.

Referencias[editar | editar código]

  1. (es) Amiram Gonem: Diccionario de los pueblos del mundo.

Bibliografía[editar | editar código]