Chunta ta l'Ampliación d'Estudios y Investigacions Cientificas

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Chunta ta l'Ampliación d'Estudeos
Junta para Ampliación de Estudios
Información d'o Institución
Establito 11 de chinero de 1907
Disolución 1 d'abril de 1939
Churisdicción Espanya
President Santiago Ramón y Cajal
(1907-1934)

A Chunta ta l'Ampliación d'Estudeos y Investigacions Cientificas estió a institución encargada de promover a investigación y a educación cientifica en Espanya en a primera parte d'o sieglo XX, dica a suya desaparición como consecuencia d'o resultau d'a Guerra Civil (1936-1939).

Fundación[editar | modificar o codigo]

A creyación en 1907 d'a Chunta ta l'Ampliación d'Estudeos y Investigacions Cientificas, heredera en gran medida d'a Institución Libre d'Amostranza (1876), fació a devantadera una etapa de desembolique dica alavez no aconseguiu t'a ciencia y a cultura espanyola. O Real Decreto por el cual se creya a Chunta estió sinyau por Alfonso XIII l'11 de chinero de 1907, y a exposición d'o preambulo estió escrito por Amalio Gimeno, ministro en ixe momento. En dita exposición, dimpués de citar eixemplos d'as iniciativas d'atros países, afirmaba:

Y, sin embargo, no falta entre nosotros gloriosa tradición en esta materia. La comunicación con judíos y la mantenida en plena Edad Media con Francia, Italia y Oriente; la venida de los monjes de Cluny, la visita a las Universidades de Bolonya, París, Montpelier y Tolosa; los premios y estímulos ofrecidos a los clérigos por los Cabildos para ir a estudiar al extranjero, y la fundación del Colegio de San Clemente en Bolonya, son testimonio de la relación que en tiempos remotos mantuvimos con la cultura universal. La labor intelectual de los reinados de Carlos III y Carlos IV, que produjo la mayor parte de nuestros actuales Centros de cultura, tuvo como punto de partida la terminación del aislamiento en que antes habíamos caído, olvidando nuestra tradición envidiable, y restableció la comunicación con la ciencia europea, que, interrumpida luego por diversas cansas, no conserva ahora sino manifestaciones aisladas, como las pensiones para viajes concedidas a los becarios de Salamanca y el Colegio de Bolonya.

O 15 de chinero estioron nombraus, por real decreto, como vocals: Santiago Ramón y Cajal, José Echegaray, Marcelino Menéndez Pelayo, Joaquín Sorolla, Joaquín Costa, Vicente Santamaría de Paredes, Alejandro San Martín, Julián Calleja Sánchez, Eduardo Vicenti, Gumersindo de Azcárate, Luis Simarro, Ignacio Bolívar, Ramón Menéndez Pidal, José Casares Gil, Adolfo Álvarez Buylla, José Rodríguez Carracido, Julián Ribera y Tarragó, Leonardo de Torres Quevedo, José Marvá, José Fernández Jiménez y Victoriano Fernández Ascarza.

Importancia[editar | modificar o codigo]

A Chunta estió l'organismo que mayor empento dio a o desembolique y difusión d'a ciencia y cultura espanyolas a traviés d'un programa muit activo de intercambio de profesors y alumnos y o establimiento de becas ta estudiar en l'extranchero (pensionados), en un intento exitoso de salir d'o pesimismo decimononico y ubrir'se a l'extranchero establindo un dialogo ubierto con os países mas modernos d'Europa como o solo meyo d'abance y progreso. Obra de pocos hombres, liderata por o suyo president, Santiago Ramón y Cajal, y sobre tot por o suyo secretario y eminencia grisa, José Castillejo, en a suya seno se formoron y treballoron os millors intelectuals y cientificos d'Espanya entre 1907 y 1939 como Ignacio Bolívar (que fuo o segundo y zaguer president d'a Chunta), Cándido Bolívar, Pío d'o Río Hortega, Julio Rei Pastor, Blas Cabrera, Miguel Catalán, Enrique Moles, José Royo, Faustino Miranda, Odón de Buen, Ramón Menéndez Pidal, Tomás Navarro Tomás, Américo Castro, Luis de Zulueta y María de Maeztu, entre muitos atros.

Institutos y centros[editar | modificar o codigo]

a Chunta aconsiguió creyar un conchunto de centros y laboratorios en el cual a ciencia y as humanidaz prencipioron a tener un peso dica ixe momento inusual. O Centro d'Estudeos Historicos, a Residencia d'Estudiants, o Instituto Nacional de Ciencias Fisico-Naturals, que aglutinó a os ya existents como a Estación Biolochica de Santander, o Laboratorio d'Investigacions Fisicas (y a suya succesora l'Instituto Nacional de Fisica y Quimica, alochau en o Edificio Rockefeller), o Muesu Antropolochico, o Museu de Ciencias Naturals u o Real Chardin Botanico de Madrit, estioron beluns d'istes centros d'investigación en el cual profesors y alumnos s'afanaban por aconseguir o ran que atros países teneban y dotar a Espanya d'a ciencia, a tecnica y a cultura mas modernas y novedosas.

Influencia exterior[editar | modificar o codigo]

Por unatra parte, a Chunta ta l'Ampliación d'Estudeos y Investigacions Cientificas chugó un papel decisivo en as relacions con América Latina, potenciatas por una Real Orden promulgada o 16 d'abril de 1910, por el cual s'emparaba o intercambio de profesors y alumnos y a edición d'obras sobre a sociedat, a evolución d'a cultura y d'a economía y a historia natural d'América. O intercambio suscitau orichinó unas nuevas relacions y trazas de mirar-se y entender-se entre americanos y espanyols y patrocinó a creyación d'institutos, departamentos y catedras universitarias sobre luenga, cultura, historia y civilización espanyolas, muitos d'os cuals siguioron o modelo organizativo y cientifico d'os centros espanyols d'a Chunta ta l'Ampliación d'Estudeos y Investigacions Cientificas en a suya organización y funcionamiento.

Disolución[editar | modificar o codigo]

O esprito de modernización y reforma que representaba a Chunta no contaba con a simpatía d'os sectors que promovioron y emparoron a insurrección de chulio de 1936. O gubierno de Burgos decretó a suya disolución (19 de mayo de 1938 ), transfiriendo as suyas funcions a un recientment fundau Instituto d'Espanya, creyau pero a Chunta siguió funcionando en as zonas no controladas por os insurchents dica o final d'a guerra.

Rematada a Guerra Civil, o 24 de noviembre de 1939, o dictador Franco promulgó a lei por el cual se creyaba o Consello Superior d'Investigacions Cientificas (CSIC), disposando que en adebant:

[...] toz os Centros dependients d'a disuelta Chunta ta l'Ampliación d'Estudeos y Investigacions Cientificas, d'a Fundación d'Investigacions Cientificas y Asayos de Reformas y os creyaus por l'Instituto d'Espanya, pasarán a depender d'o Consello Superior d'Investigacions Cientificas.

Encara que o CSIC estió fundau con un esprito antagonico a o d'a Chunta, y en un acto independient d'a disolución d'ista, ye comuna que se present a ixe organismo como a suya continación.

Bibliografía[editar | modificar o codigo]

  • Formentín Ibáñez, Justo y Jose María Villegas Sanz. Relaciones Culturales entre España y América: la Junta para Ampliación de Estudios. Madrid. Mapfre, 1992.
  • Laporta, F. J., Miguel A Ruiz, Zapatero, V. y J. Solana. Los orígenes culturales de la Junta para Ampliación de Estudios. Arbor, CXXVI/493 (Madrid, enero de 1987).
  • López Sánchez, José María. Heterodoxos españoles. El Centro de Estudios Históricos, 1910-1936. Madrid. Marcial Pons-CSIC. 2006.
  • Marín Eced, T. La renovación pedagógica en España (1907-1936): los pensionados en pedagogía por la Junta para Ampliación de Estudios. Madrid. CSIC. 1990. [1]
  • Naranjo Orovio, Consuelo, L. Maria Dolores Luque y Miguel Ángel Puig-Samper (editores). Los lazos de la cultura. El Centro de Estudios Históricos de Madrid y la Universidad de Puerto Rico, 1916-1939. Madrid. CSIC-Universidad de Puerto Rico, 2002. [2]
  • Puig-Samper Mulero, M.A. (Ed.). Tiempos de investigación: JAE-CSIC, cien años de ciencia en España. Madrid. CSIC. 2007. [3]
  • Sánchez Ron, José María (coordinador). 1907-1987. La Junta para Ampliación de Estudios e Investigaciones Científicas 80 años después. 2 vols. Madrid. CSIC. 1988. Vol. I Vol. II
  • Caballero Garrido Ernesto (coordinador). La Junta para Ampliación de Estudios e Investigaciones Científicas: historia de sus centros y protagonistas (1907-1939). Autor principal Mª Carmen Azcuenaga Cavia. Trea y Asociación Nacional de Estudiantes e Investigadores SIGLO XXI, 2010. ISBN 9788497044950.
  • Sánchez, Isidro (coordinador). Educación, Ciencia y Cultura en España: auge y colapso (1907-1940) Pensionados de la JAE . Ciudad Real. Almud eds. y Centro de Estudios de CLM, 2012. ISBN 9788493977580.

Vinclos externos[editar | modificar o codigo]