Chuan d'Aragón II
| Chuan d'Aragón II | |
|---|---|
| Arcebispe de Zaragoza | |
| 28 de marzo de 1520 - 25 de noviembre de 1530 | |
| Predecesor | Alonso d'Aragón |
| Succesor | Fadric de Portugal |
| Naixencia | c. 1492 Zaragoza (Aragón)
|
| Muerte | 25 de noviembre de 1530 Madrit (Castiella)
|
Chuan d'Aragón II (Zaragoza, c. 1492 - Madrit, 25 de noviembre de 1530) estió un relichioso aragonés, que estió arcebispe de Zaragoza dende 1520 dica 1530.
Yera fillo d'Alonso d'Aragón (1470-1520), fillo natural de Ferrando o Catolico, qui estió arcebispe de Valencia y de Zaragoza, y virrei d'o Reino d'Aragón y, por tanto, nieto d'aquel rei.[1][2]
Biografía
[editar | modificar o codigo]Chuan estió secretaire d'o suyo avuelo, o rei Catolico, en a zaguera parti d'o reinau d'iste, entre 1510 y 1516.
En 1520, o rey Carlos I lo presentó a o papa León X pa que estase promoviu ta l'arcebispau de Zaragoza, vacant dimpués d'a muerte de su pai Alonso, atamas de que, tal como ocurriera en o caso paterno, Chuan d'Aragón nomás heba preso a orden de diacono. Dimpués d'a pertinente autorización papal, prenió posesión d'a dignidat arcebispal o 10 de chunio d'ixe mesmo anyo.[2]
En a cort arcebispal de Zaragoza, y baixo a protección de Chuan d'Aragón, prencipió a suya carrera eclesiastica y cortesana o suyo sobrín, o futuro sant Francisco de Borcha.[1]
O 23 de marzo de 1523 plegó de visita ta Zaragoza o papa Hadrián VI, que permaneixió cuantos días ahuespau en o Palacio de l'Alchafaría, y l'arcebispo Chuan d'Aragón lo gronxió y organizó fachendosas fiestas mientres a estada d'o papa en a capital aragonesa.[2]
Chuan d'Aragón convocó un sinodo diocesano en Zaragoza que, posteriorment, publicó impreso, asinas como un Breviarium Caesaragustanum (1528).[3]
A muerte lo sosprendió en Madrit, a on se trobaba asperando instruccions de l'emperador, de qui estió un leyal colaborador en materia de gubierno y de relichión.[3]
O suyo cadavre fue tresladau ta Zaragoza pa estar apedecau en o presbiterio d'a seu d'o Salvador de Zaragoza.[2][3]
Referencias
[editar | modificar o codigo]- ↑ 1,0 1,1 (es) Morales Roca, Francisco Javier (1999): Prelados, abades mitrados, dignidades capitulares y caballeros de las Órdenes Militares habilitados por el brazo eclesiástico en las Cortes del Principado de Cataluña. Dinastías de Trastámara y de Austria. Siglos XV y XVI (1410-1599). Tomo I. Madrid: Hidalguía. ISBN 84-8085-115-8, pág. 89.
- ↑ 2,0 2,1 2,2 2,3 (es) Latassa y Uriel, 1884, p. 119.
- ↑ 3,0 3,1 3,2 (es) Aragón, Juan de (1429-1475) en mcnbiografias.com
Vinclos externos
[editar | modificar o codigo]- (es) Chuan d'Aragón en a Gran Enciclopedia Aragonesa OnLine.
| Cargos eclesiasticos | ||
|---|---|---|
| Predecesor: Alonso d'Aragón |
 14eno Arcebispe de Zaragoza 28 de marzo de 1520 - 25 de noviembre de 1530 |
Succesor: Fadric de Portugal |
| Control d'autoridaz |
|
|---|
Datos: Q41541771