Chinebra

Iste articlo tracta sobre una bebida alcolica, no entivocar-se con a ciudat suiza de Chinevra.

Chinebra
Botellas de chinebra
Orichen cheografico
Orichen:	Anglaterra Países Baixos
Elaboración
Ingredients:	Chinebras

A chinebra ye una bebida alcolica destilada aromatizada con chinebras, os fruitos d'o chinebro royo y atros ingredients botanicos.

Orichinada como un licor medicinal elaborau por monches y alquimistas arredol d'Europa, a chinebra moderna fue modificada en Flandres y en os Países Baixos pa proporcionar augua vita a partir de destilaus d'uga y simients, convertindo-se en un obchecto de comercio en a industria d'as bebidas alcolicas. Apareixe en os Países Baixos borgonyons (os actuals Países Baixos y parti de l'actual Belchica) en o sieglo XVII con o nombre de Genever. Se fació popular en Anglaterra dimpués d'a suya introducción, cheneralizando-se dimpués d'a Revolución Gloriosa de 1688 dirichida por Guillén d'Orange y as restriccions posteriors a la importación d'o brandy francès. A chinebra se convirtió en a bebida alcolica nacional d'Anglaterra mientres a dita Gin Craze de 1695-1735.

A chinebra se produce a partir d'una ampla variedat d'ingredients a base de hierbas en cuantos estilos y marcas diferents. Amás de con fruitos de chinebra, gosa estar aromatizada con hierbas, especias, sabors florals u fruitas, a sobén una combinación. Por un regular se mezcla con tonica en un gin-tonic. A chinebra tamién s'utiliza como bebida alcolica pa producir licors aromatizaus a base de chinebra, por eixemplo, a sloe gin, producida tradicionalment con l'adición de fruita, aromas y zucre.

Se veiga tamién

• Chinebra Plymouth.

Vinclos externos

• Se veigan as imáchens de Commons sobre a chinebra.

• Datos: Q959362
• Multimedia: Gin / Q959362