Chile

División administrativa de Chile.

A Republica de Chile ye un país situato en a estrimera sudueste d'America d'o Sud, chunto a l'Ocián Pacifico. Muga a lo norte con Perú, a lo noreste con Bolivia y a l'este con Archentina, deseparando-lo d'iste zaguer país a cordelera d'os Andes. O país s'estendilla de norte enta o sud dende os 17º29'57'S dica os 56º32'S en una estreita francha entre os Andes y l'Ocián Pacifico, ocupando una superficie de 756.950 km². A suya población ye de 15.980.912 habitants (estimación de 2005), con una densidat de población de 20 hab/km².

Politicament, o país ye una Republica democratica presidencial, con capital en a ciudat de Santiago de Chile, encara que o Congreso Nacional de Chile (o poder lechislativo d'o país) tien a suya seu en a ciudat de Valparaíso. L'actual President de Chile ye Michelle Bachelet.

Etnografía

Atacama

A población chilena ye mayoritariament d'orichen mestizo, derivato d'a mezcla racial entre os conquistadors espanyols y os pueblos aborichens, esdesvenita fundamentalment mientres d'o sieglo XVII. A ista mezcla orichinal li se estió adibindo, a meda que transcurreba o periodo colonial, una mayor cantidat de sangre espanyola por o continuo afluyent migratorio espanyol, a la extinción d'a población indichena en os territorios baixo domino espanyol por no haber existito una convivencia pacifica entre espanyols y mapuches que faboreixeba o mestizache con istos zaguers.

Cultura

Luengas

A luenga mayoritaria ye o castellán, en a suya variant chilena. Tamién se charra luengas amerindianas como o mapudungun, o quechua, l'aimara, ecetra, y as luengas d'os principals pueblos inmigrants europeus d'o sieglo XX como l'alemán u o crovate.

Se veiga tamién

• Armata de Chile.

Vinclos externos

• Se veigan as imáchens de Commons sobre Chile.
• (es) Gubierno de Chile.
• (es) Presidencia de la República.
• (es) Servicio Nacional de Torismo de Chile.
• (es) Comité Olimpico de Chile.
• (es) Dirección de Bibliotecas, Archivos, y Museus.
• (es) Instituto Nacional d'Estatisticas de Chile.