Cheyenne Autumn

Iste articlo ye sobre una cinta estausunidense de western epico de l'anyo 1964; ta la novela en a cual se basa, se veiga Cheyenne Autumn (novela).

Cheyenne Autumn
Títol	Cheyenne Autumn
Ficha tecnica
Dirección	John Ford
Aduyant de dirección	Russell Saunders Wingate Smith
Dirección artistica	Richard Day
Producción	Bernard Smith
Guión adaptau	James R. Webb
Basau en	Cheyenne Autumn, novela de Mari Sandoz (1953)
Musica	Alex North
Soniu	Francis E. Stahl
Fotografía	William H. Clothier
Montache	Otho Lovering
Escenografía	Darrell Silvera
Vestuario	Frank Beetson Jr. Ann Peck
Maquillache	Norman Pringle
Efectos especials	Ralph Webb
Actors	Richard Widmark Carroll Baker Karl Malden Sal Mineo Dolores del Río Ricardo Montalbán Gilbert Roland Arthur Kennedy Patrick Wayne Elizabeth Allen John Carradine Victor Jory Mike Mazurki George O'Brien Sean McClory Judson Pratt Carmen D'Antonio Ken Curtis James Stewart Edward G. Robinson
Color	Panavision Technicolor
Datos y cifras
País(es)	Estaus Unius
Anyo	1964
Estreno	3 d'octubre de 1964 Cheyenne (Wyoming, Estaus Unius)
Chenero(s)	Cine de western Cine epico
Durada	154 min.
Idioma(s)	Anglés Navajo
Companyías
Productora(s)	Ford–Smith Productions
Distribución	Warner Bros.
Estudio(s)	Warner Brothers Burbank Studios
Informacions en bases de datos especializadas:

Cheyenne Autumn (títol orichinal en anglés, en aragonés Agüerro cheyenne, estrenada en Aragón con o títol en castellano d'El gran combate, en aragonés O gran combate) ye una cinta de cine estausunidense de cine de western epico estrenada l'anyo 1964, dirichida por John Ford seguntes un guión adaptau por James R. Webb (basau en a novela historica Cheyenne Autumn, publicada por Mari Sandoz l'anyo 1953), con una banda sonora orichinal d'Alex North, una dirección de fotografía de William H. Clothier y una producción cinematografica de Bernard Smith ta la productora cineatografica Ford–Smith Productions. Conta con un elenco d'o cual en fan parte, entre d'atros actors, Richard Widmark, Carroll Baker, Karl Malden, Sal Mineo, Dolores del Río, Ricardo Montalbán, Gilbert Roland, Arthur Kennedy, Patrick Wayne, Elizabeth Allen, John Carradine, Victor Jory, Mike Mazurki, George O'Brien, Sean McClory, Judson Pratt, Carmen D'Antonio, Ken Curtis, James Stewart y Edward G. Robinson.

A cinta conta, encara que con una gran licencia artistica, lo clamau exodo d'os cheyennes d'o Norte, escaiciu los anyos 1878 y 1879. En a cinta, se conta cómo los cheyennes marchan dende Yellowstone, la suya tierra ancestral, enta Oklahoma, escortaus por una unidat de Caballería de l'exercito estausunidense. Cuan i plegan, prencipian a protecher-los los cuaqueros, incluyida Deborah Wright, qui fa de mayestra ta los ninos d'a tribu. Ye la novia de Thomas Archer, o capitán de caballería que ye a lo cudiau d'os cheyennes, que asperan que i plegue una delegación d'a Oficina d'Asuntos Indios, que dimpués d'asperar tot un día no i plega. Dull Knife y Little Wolf, os dos chefes cheyennes, deciden tornar en Yellowstone, y fan que los ninos dixen d'ir-ie a la escuela. Cuan os cheyennes prencipian a suya marcha, la mayestra los acompanya, y ordenan a Archer que los persiga. O comandant Braden toma lo mando y ordena disparar con artillería contra los cheyennes y cuan istos contraatacan, mueren nueu soldaus, incluyiu Braden. Os periodicos magnifican a batalla, aumentan enormement o numero de soldaus muertos y presentan a los cheyennes como extremadament periglosos. Carl Schurz, o secretario d'estau d'Interior d'o Gubierno d'os Estaus Unius recibe las primeras noticias. D'atra man, os cheyennes plegan en Dodge City en Kansas, pero troban que se i han instalau colonos blancos, encara que Wyatt Earp y Doc Holliday prefieren no intervenir, encara que bels "cowboys" han asasinau a bels cheyennes. Finalment, una part d'os cheyennes se rinden a lo capitán Henry W. Wessells Jr. en Fort Robinson en Nebraska cuan plega l'hibierno, pero Wessells quiere que lo cheyennes tornen enta Oklahoma y Archer marcha enta Washington, DC ta demanar aduya a Schurz, qui ye asperando recibir noticias fiables d'a situación.

A cinta s'ambienta en os anyos 1878 y 1879 en os estaus de Wyoming, Oklahoma, Nebraska y Kansas (incluyiu Dodge City) y las suyas escenas se filmoron en localizacions en Arizona (incluyius Kayenta y Superior), California (incluyius Los Angeles y Thousand Oaks), Colorado (incluyiu Gunnison), Utah (incluyius Mexican Hat y Moab) y Wyoming, amás d'en os Warner Brothers Burbank Studios en Burbank, en California.

Ye una cinta que ha recibiu bellas nominacions a bels premios, en destacando una nominación a los Premios Oscar (Millor Fotografía en Color) en a suya 37^ena edición) y una nominación a los Premios Globos d'Oro (Millor Actor Segundario) en a suya 22^ena edición.

Elenco

Actor	Papel	Notas
	'

Se veiga tamién

• Cine en 1964.
• Cintas de 1964.

Vinclos externos

• (en) Cheyenne Autumn en Internet Movie Database.
• (en) Cheyenne Autumn en TCM Movie.
• (en) Cheyenne Autumn en l'American Film Institute Catalog de l'American Film Institute.
• (en) Cheyenne Autumn en Rotten Tomatoes.

• Datos: Q1071402