Chenero gramatical en castellán

De Biquipedia
Ir ta: navego, busca

O chenero gramatical en castellán distingue en os sustantivos, adchectivos, articlos y bell pronombre presonal entre chenero masculín y chenero feminín. Manimenos tamién existen restos d'o chenero neutro d'orichen latín, pero limitau a lo pronombre presonal (ello), l'articlo definiu (lo), os quantificadors (cuanto, cuánto, tanto), os pronombres demostrativos (esto, eso, aquello) y bell pronombre indefiniu (algo, nada, todo).

O chenero d'os sustantivos[editar | editar código]

Muitas vegadas se puet deducir o chenero d'as parabras seguntes as suyas terminacions.

Son de chenero masculín
  • cheneralment as parabras terminadas en -o, -or, -n (libro, valor, corazón, ecetra.)
  • os sustantivos d'orichen greco-latin terminaus en -ma y -ta (poema, panorama, planeta, poeta, ecetra.)
  • as parabras relacionadas con os hombres, animals masculins, profesions masculinas, ecetra. (panadero, conductor, padre ecetra.)
  • os nombres de ríos, vals, mars, ecetra.
  • os nombres de dias d'a semana u d'o mes.
  • os toponimos y nombres cheograficos que no terminan en -a.
Son de chenero feminín
  • cheneralment as parabras terminadas en -a (casa, puerta, ventana, ecetra.)
  • as parabras relacionadas con as mullers, animals feminins, profesions feminins, ecetra. (madre, vaca, modelo, ecetra.)
  • totas as parablas terminadas en -dad u -tad, -tud, -ción, -sión y -xión (calidad, juventud, canción, pasión, flexión, ecetra.).
  • os toponimos y nombres cheograficos que terminan en -a.
Bell eixemplo como excepcions
  • parabra que termina en -o, pero ye feminina: mano
  • parabras que terminan en -a, pero son masculinas: día, mapa, tequila, ecetra.
Parabras invariables en chenero

En castellán bi ha parabras, sobretot que significan profesions, que no varían en chenero. En este caso nomás l'articlo definiu u l'adchectivo marca o suyo chenero:

  • parabras terminadas en -ista: el periodista, la periodista
  • parabras terminadas en -nte: el cantante, la cantante; el presidente, la presidente (encara que existe tamién a forma moderna la presidenta).
  • altros eixemplos: el joven, la joven (encara que existe a forma dialectal la jovena); el juez, la juez (tamién existe a forma poco usual la jueza).
Parabras de chenero ambigo
  • Bi ha bell sustantivo en castellán que se puet usar como masculín y feminín tamién, por eixemplo: el mar, la mar (a segunda forma ye més poetica).
  • En ocasions, una parabra puet usar-se como masculina en singular y feminina en plural: el arte histórico, pero las bellas artes.
Parabras homonimas con significaus que varían seguntes o chenero
  • el capital ('fondo monetario') y la capital ('ciudat prencipal')
  • el orden ('colocación u clasificación de cosas', 'institución relichiosa') y la orden ('mandato que s'ha d'executar'), ecetra.

O chenero d'os pronombres, articlos y quantificadors[editar | editar código]

A diferiencia d'os sustantivos, os pronombres, articlos definius y os quantificadors pueden tener chenero neutro, antimás d'o masculín y feminín. En este caso, a terminación masculina ye -e o consonant (este, ese, aquel, él, el), a feminina ye -a (esta, esa, aquella, la, ella) y lo neutro ye -o (esto, eso, aquello, lo, ello, algo, todo, cuanto, tanto).

Como os adchectivos no tienen formas especificas o terminacions ta lo chenero neutro, a forma en que deben concordar-se con ellos no difiere d'a masculina. Eixemplos: lo malo; algo bueno; esto es verdadero.


O chenero gramatical en aragonés y atras luengas romances
O chenero gramatical en galaico-portugués | o chenero gramatical en astur-leyonés | o chenero gramatical en castellán | o chenero gramatical en aragonés | o chenero gramatical en catalán | o chenero gramatical en occitán | o chenero gramatical en francés | o chenero gramatical en italián | o chenero gramatical en rumán


 
Gramatica d'o castellán
Fonetica Accentuación · Fonetica · Fonolochía
Morfolochía Adverbios · Articlos definius · Articlos indefinitos · Chenero · Conchuncions · Determinants · Numerals · Numero · Pronombres (Pronombre presonal) · Prefixo · Sufixo · Preposicions · Verbos (Construccions verbo-nominals · Locucions verbals)
Sintaxi Concordancia · Estilo directo · Estilo indirecto · Negación · Sintagma adchectival · Sintagma nominal · Sintagma verbal · Orden de pronombres · Voz pasiva · Oracions de relativo · Oracions completivas · Oracions temporals · Oracions causals · Oracions finals · Oracions consecutivas · Oracions concesivas · Oracions condicionals · Oracions comparativas
Lexicolochía Cultismos · Lexico (Americanismos · Anglicismos · Arabismos · Aragonesismos · Catalanismos · Celtismos · Chermanismos · Galicismos · Goticismos · Helenismos · Italianismos · Leyonesismos · Lusismos · Mozarabismos · Neerlandismos · Occitanismos · Persismos · Vasquismos) · Semicultismos
Ortografía Normas ortograficas d'o castellán