Charlie's Angels: Full Throttle

Charlie's Angels: Full Throttle
Títol	Charlie's Angels: Full Throttle
Póster d'a cinta.
Ficha tecnica
Dirección	McG
Dirección artistica	David F. Klassen Richard F. Mays Greg Richman
Producción	Drew Barrymore Leonard Goldberg Nancy Juvonen
Disenyo de producción	J. Michael Riva
Guión adaptau	John August Cormac Wibberley Marianne Wibberley
Basau en	una historia de John August basada en a serie de televisión Charlie's Angels, d'Ivan Goff y Ben Roberts
Musica	Edward Shearmur
Fotografía	Russell Carpenter
Montache	Wayne Wahrman
Escenografía	Lauri Gaffin
Vestuario	Joseph G. Aulisi
Casting	Justine Arteta Kim Davis-Wagner
Actors	Cameron Diaz Drew Barrymore Lucy Liu Bernie Mac Demi Moore Justin Theroux Robert Patrick Crispin Glover Rodrigo Santoro John Forsythe Matt LeBlanc Luke Wilson John Cleese Shia LaBeouf Ja'Net DuBois
Datos y cifras
País(es)	Estaus Unius
Anyo	2003
Estreno	18 de chunio de 2003 Estaus Unius
Chenero(s)	Cine de comedia Cine d'acción Cine d'espionache
Durada	106 min.
Idioma(s)	Anglés Chinés mandarín Castellano
Companyías
Productora(s)	Columbia Pictures Leonard Goldberg Productions Flower Films Tall Trees Productions Wonderland Sound and Vision
Distribución	Sony Pictures Releasing
Estudio(s)	Sony Pictures Studios
Presupuesto	120 millons de dólars
Recauto	259,2 millons de dólars
Succesión de cintas
Precedida por	Charlie's Angels (2000, McG)
Succedida por	Charlie's Angels (2019, Elizabeth Banks)
Informacions en bases de datos especializadas:

Charlie's Angels: Full Throttle (títol orichinal en anglés, en aragonés Os Ánchels de Charlie: a escape, estrenada en Aragón con o títol de Los ángeles de Charlie: al límite, en aragonés Os ánchels de Charlie: a lo canto) ye una cinta de cine estausunidense de cine de comedia d'acción d'espionache estrenada l'anyo 2003, dirichida por McG seguntes un guión adaptau por John August, Cormac Wibberley y Marianne Wibberley (basau en una historia de John August basada a la vegada en a serie de televisión Charlie's Angels, d'Ivan Goff y Ben Roberts), con una banda sonora orichinal d'Edward Shearmur, una dirección de fotografía de Russell Carpenter y una producción cinematografica de Drew Barrymore, Leonard Goldberg y Nancy Juvonen ta las productoras Columbia Pictures, Leonard Goldberg Productions, Flower Films, Tall Trees Productions y Wonderland Sound and Vision. Conta con un elenco d'o cual en fan parte Cameron Diaz, Drew Barrymore, Lucy Liu, Bernie Mac, Demi Moore, Justin Theroux, Robert Patrick, Crispin Glover, Rodrigo Santoro, John Forsythe, Matt LeBlanc, Luke Wilson, John Cleese, Shia LaBeouf y Ja'Net DuBois, entre d'atros actors.

Dimpués de rescatar a l'achent Ray Carter en Mongolia, ninvían a los Ánchels de Charlie (Natalie Cook, Dylan Sanders y Alex Munday) enta recuperar uns aniellos de titanio robaus a lo Departamento de Chusticia d'os Estaus Unius y que permiten conoixer qué personas se troban incluyidas en o programa de protección de testigos. En casa d'un d'os testigos asasinaus en San Bernardino (California) siguen a pista d'o suyo asasino, Randy Emmers, que los leva enta una placha a on se i troba l'antiga ánchel Madison Lee, con qui l'ánchel Natalie se baralla. Bien luego intervienen ta evitar que Emmers mate a un atro testigo, Max Petroni, pero dimpués qui ye asasinau ye lo propio Emmers, a mans de l'Hombre Delgau, que aparentment heba muerto en a cinta anterior (Charlie's Angels). En as bochacas d'Emmers, os ánchels i troban as fotos d'os testigos asasinaus pero tamién a foto de Dylan, que apareixe con o nombre de Helen Zaas. Dylan explica que sí, que ella tamién ye un testigo protechiu porque declaró contra lo suyo antigo novio Seamus O'Grady, capo d'a mafia irlandesas y que l'asasinato d'os testigos protechius yera una venganza d'O'Grady. Consiguen recuperar os aniellos robaus en Los Angeles, pero como O'Grady menaza a Dylan con asasinar a toda la suya familia, ista marcha enta Mexico, ta protecher tamién a los atros ánchels. Tanimietres, Natalie y Alex ya han descubierto qui ye en realidat a impulsora de tot: l'antiga achent Madison Lee.

A cinta s'ambienta en a suya epoca actual (2003) en Mongolia, en San Bernardino y Los Angeles (California) y en Mexico y las suyas escena se filmoron en Beverly Hills y Los Angeles (California), amás d'en os Sony Pictures Studios en Culver City, tamién en California.

Se tracta d'una cinta que ha recibiu bels premios y nominacions, encara que en a suya mayor parte se tracta d'os Premios Golden Raspberry.

Elenco

Actor	Papel	Notas
	'

Se veiga tamién

• Cine en 2003.
• Cintas de 2003.

Vinclos externos

• Se veigan as imáchens de Commons sobre Charlie's Angels: Full Throttle.
• (en) Charlie's Angels: Full Throttle en Internet Movie Database.

• Datos: Q229603
• Multimedia: Charlie's Angels: Full Throttle / Q229603