Chano (dios román)

De Biquipedia
Ir a la navegación Ir a la búsqueda
Busto román d'o dios Chano, Museu Vaticano.

Chano (en latín Janus) ye, en a mitolochía romana, un dios que teneba dos caras mirando enta os dos costaus d'o suyo perfil. Chano yera o dios d'as puertas, os prencipios y as fins (u siga os cabos). Por ixo li consagroron o primer mes de l'anyo, Ianuarius, (que cambió ta Janeiro en latín bético y Janero en latín tarraconense, d'a on vien l'aragonés chenero).

Se representa por un regular como bifront, con as dos caras mirando-se enta sentius oposaus, y esto ye més freqüent en a tradición celto-ligur que en a tradición romana. Ye un dios d'os cambios y as transicions, d'os intes en os que se traspasa l'umbral que desepara o pasau y o futuro. A suya protección, doncas, ye pa qui deseye cambiar l'orden d'as cosas. L'honraban cada vegada que s'encomenzaba un prochecto nuevo, naixeba un ninón u se contrayeba matrinomio.

O suyo principal templo en o Foro Román teneba puertas que miraban ta l'este y l'ueste, enta o prencipio y fin d'o día, y entre ellas i heba una estatua suya, con as dos caras oposadas. En totas as casas li se adrezaba una pregaria de maitín, y en tota fayena domestica se miraba a suya asistencia. Como dios d'os prencipios, lo invocaban publicament o día de cabo d'anyo, 1 de chenero (Ianuarius), o mes que bién d'o suyo nombre porque encomienza l'anyada nueva. Lo invocaban quan encomenzaba una guerra, y mientres durase as puertas d'o suyo templo heban d'estar siempre ubiertas. Quan Roma yera en paz, as puertas heban d'estar zarradas. Chano no tien equivalent en a mitolochía griega.

Igual como Prometeu, Chano ye una clase d'heroe civilizador, car li s'atribuyen cosas importants como a invención d'os diners, as leis y l'agricultura. Seguntes os romans este dios aseguraba buenas fins.

Entre os apelativos que recibió en destacan dos:

  • Janus patulsius, yera como heba d'invocar qui pasaba por una puerta que i heba debant d'una d'as caras d'o dios.
  • Janus clusivius), yera como heban d'invocar a l'atra cara.

Etimolochía[editar | modificar o codigo]

A etimolochía d'este dios se relaciona con a etimolochía de Diana y d'a diosa proto-indoeuropea Ana. Os cristians preboron de cristianizar part d'os elementos d'este dios como Sant Chuan, pero o suyo recuerdo permaneixió en o folklore como a representación de l'anyo que remata como un aguelo y l'anyo que encomienza como un chóven.

O dios Chano en fuents aragonesas[editar | modificar o codigo]

Como quasi totz os dioses romans chano ye nombrau con o suyo nombre en latín orichinal y con a desinencia de nominativo.

En a traducción aragonesa de "Breviarium ab Urbe condita" lo nombra ya a lo principio:

El primero libro de eutropio contiene que ianus regno primero en ytalia. et apres saturnus el qual fue clamado dios por los pueblos grosseros et rudos por esto quelos ensenyo de fer casas et de arar et de sembrar tierras et de plantar vinyas et de beuir co hombres apres regno picus fillo de aquel / et apres aq(ue)l regno fauinus que fue padre de latin / et quando fueron pasados .cl. anyos enel regno de aq(ue)stos et como regnando latin el qual corigio la lengua latina fue presa troya

En o "Libro d'el Trasoro" dicen en o capítol 34:

Esto fue uerdat que Ytarius, que fue fillo de Nembrot, aquel que fizo la torre de Babel, vino en Ytalia, e sinde fue senyor toda su vida. Apres la tuuo Ytalus, su fillo, e por el fue clamada la tierra Ytalia. Apres la tuuo Janus su fillo. La ora aujno, segun que las istorias contan, que Saturnus, rey de Grecia, fue exiliado de su regno e fuyo en Ytalia.


 
Mitolochía romana
Dioses principals BacoCeresDianaFeboChunoChupiterMarteMercurioMinervaNeptunoPlutónSaturnoVenusVulcán
Atros dioses AbeonaAbundantiaAna PerenaAngeronaAuroraBelonaBona DeaCarmentaCibeleClitunnoCupidoDiaEsculápioFamaFaunaFaunoFortunaFidesFontusFornaxHoraInvidiaIustitiaChanoChuturnaLaresLíberLibitinaLúlioLupercioMaia MaiestasManesMantusMurciaNemestrinoPalesPaládioPenatesPicoPoenaPomonaProserpinaPicumnusPilumnusQuirinoRomaSaturnoSilvánTellumoTérminusTurnoVestaVertumnoVitória
Personaches Aca LaurenciaAmulioAnquisesAscanioCreusaEneasFaustuloHerculesHersiliaLatínLatín SilvioLaviniaMezencioNumitorProcasRea SilviaRomulo y RemoSilvioTito Tacio
Sacerdotz AugursVestals
Puestos Alba LongaCéuLavínio