Ernesto Guevara

De Biquipedia
(Reendrezau dende Ché Guevara)
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Articlo d'os 1000
Ernesto Guevara
Ernesto Guevara

Che Guevara



Ministro d'Industria de Cuba
1959 – 1965
Naiximiento 14 de chunio de 1928
Rosario (Archentina)
Muerte 9 d'octubre de 1967
La Higuera (Bolivia)
Partiu Partido Comunista de Cuba
Profesión Medico y politico
Sinyal

Ernesto Guevara naixiu de Rosario, Archentina o 14 de chunio de 1928 y muerto en La Higuera, Bolivia o 9 d'octubre de 1967, dito lo Che Guevara u simplament lo Che, estió un politico revolucionario y líder guerrillero.

Naixito de Rosario en una d'una familia burguesa. Pareixe que cuan teneba dos anyos enferma d'asma, que tien mientres tota la suya vida, y por ixo la suya familia se tresladó ta atro puesto con clima mas xuto, Alta Gracia (Cordoba, Archentina), sin que a suya malautía amillorase. A suya educación primaria estió en a casa suya, a cargo d'a suya mai, Celia de la Serna.

Estudió medicina en a Universidat de Buenos Aires. Mas tardi, en 1953, se tresladó ta Guatemala, a on s'une a las tesis populistas d'o president d'o país Jacobo Arbenz, que fue derrocato por os filoimperialistas. Perseguito por os nuevos gubernants, deixa Guatemala ta pasar a Mexico. Astí s'une a lo cerclo revolucionario de cubanos exiliatos que endrezaba Fidel Castro. Estió un d'os supervivients d'a operación "Granma", y chunto a Castro y Camilo Cienfuegos integró la triada que comandó lo trunfo militar d'os revolucionarios contra o gubierno de Batista (chinero de 1959).

Aintro d'o nuevo gubierno cubano organizó y dirichió lo Instituto Nacional de la Reforma Agraria, dende on creya nuevas leis agrarias, dimpués d'expropiar a los grans terratenients. Fue nombrato ministro d'Industria y president d'o Banco Nacional de Cuba. Estió la fegura prencipal d'o internacionalismo cubano, y d'a esfensa d'a solidaridat antiimperialista d'os países d'America, Africa y Asia, que queda reflectata en o suyo discurso en Alcher (1963).

En 1965 sorprende a lo mundo con a renuncia a los suyos cargos gubernamentals en Cuba, ta dirichir a luita revolucionaria d'o Congo. Dimpués d'ista experencia, se dedica a la luita guerrillera en diversos países americanos y, a la fin, en Bolivia (1966).

Preso por l'exercito boliviano, con a colaboración d'a CIA, fue asasinato en 1967. En 1997 as suyas restas, trobatas en 1995, fuoron enterratas en Cuba con as maximas honors.

O Che Guevara s'ha convertito en un mito, y ta muitos chóvens en un idolo. Se le han dedicato muitas cancions como Hasta siempre comandante Che Guevara de Carlos Puebla y versionata por Boikot, u Canción del elegido de Silvio Rodríguez.

Vinclos externos[editar | modificar o codigo]