Cast Away

Cast Away
Títol	Cast Away
Ficha tecnica
Dirección	Robert Zemeckis
Dirección artistica	Stefan Dechant Elizabeth Lapp William James Teegarden
Producción	Steve Starkey Tom Hanks Robert Zemeckis Jack Rapke
Disenyo de producción	Rick Carter
Guión orichinal	William Broyles Jr.
Musica	Alan Silvestri
Soniu	Randy Thom Tom Johnson Dennis S. Sands William B. Kaplan
Fotografía	Don Burgess
Montache	Arthur Schmidt
Escenografía	Rosemary Brandenburg Karen O'Hara
Vestuario	Joanna Johnston
Maquillache	Deborah La Mia Denaver Bill Myer Ronnie Specter Daniel C. Striepeke
Peluquería	Kathryn Blondell Darrell Redleaf-Fielder
Casting	Victoria Burrows
Actors	Tom Hanks Helen Hunt Nick Searcy Jenifer Lewis Geoffrey Blake Peter Von Berg Chris Noth Lari White Michael Forest Viveka Davis Nan Martin Dennis Letts Valerie Wildman Steve Monroe Elden Henson Timothy Stack Joe Conley Vin Martin Garret Davis Jay Acovone
Color	Color by DeLuxe Panavision
Datos y cifras
País(es)	Estaus Unius
Anyo	2000
Estreno	7 d'aviento de 2000 Estaus Unius
Chenero(s)	Cine de drama Cine d'aventuras
Durada	144 min.
Idioma(s)	Anglés Ruso
Companyías
Productora(s)	ImageMovers Playtone
Distribución	DreamWorks Pictures
Estudio(s)	Universal Studios
Presupuesto	90 millons de dólars
Recauto	429,6 millons de dólars
Informacions en bases de datos especializadas:

Cast Away (títol orichinal en anglés, en aragonés Arrubar, estrenada en Aragón con o títol en castellano de Náufrago, en aragonés Naufrago) ye una cinta de cine estausunidense de cine d'aventuras dramaticas estrenada l'anyo 2000, dirichida por Robert Zemeckis seguntes un guión orichinal de William Broyles Jr., con una banda sonora orichinal d'Alan Silvestri, una dirección de fotografía de Don Burgess y una producción cinematografica de Steve Starkey, Tom Hanks, Robert Zemeckis y Jack Rapke ta las productoras ImageMovers y Playtone. Conta con un elenco d'actors d'o cual en fan parte, entre d'atros, Tom Hanks, Helen Hunt, Nick Searcy, Jenifer Lewis, Geoffrey Blake, Peter Von Berg, Chris Noth, Lari White, Michael Forest, Viveka Davis, Nan Martin, Dennis Letts, Valerie Wildman, Steve Monroe, Elden Henson, Timothy Stack, Joe Conley, Vin Martin y Garret Davis.

En aviento de 1995, Chuck Noland ye un analista de sistemas d'a empresa FedEx que treballa en viachando por o mundo ta resolver problemas de productividat d'a empresa. Vive en Memphis (Tennessee) con su novia Kelly Frears, con qui planeya casar-se encara que por os suyos viaches lo postergan terne que terne. S'amanan as fiestas de Nadal pero ninvían a Chuck a Malaisia. Antes de marchar, li da a Kelly una chicota caixa decindo-le que no la ubra dica lo día d'Anyo Nuevo, con a insinuación de que ye un aniello de voda. Pero l'avión de FedEx en o que viacha Chuck s'estrela en l'oceano Pacifico estando Chuk o solo supervivient. Sobrevive ixos primers días con bellas cosas que troba en os pacoz que viachaban en l'avión, a la vegada que busca por l'arredol augua y birolla, trobando que ye en una isla disierta. Va ubrindo pacoz y troba una pilota de voleibol, en a que queda marcada la suya man con sangre en haber-se feriu ixa man. Dibuixa una cara en a sangre y baptiza la pilota con o nombre de "Wilson", prencipiando a charrar con él y a tractar-lo como si estase una persona. Pasan cuatre anyos en a isla dica que finalment a finals de 1999 construye una navata y marcha enta l'oceano, encara que en o viache pierde a Wilson. Finalment ye rescatau por un barco y aspera tornar en a suya vida anterior, encara que han pasau cuatre anyos.

A cinta s'ambienta en 1995, 1996, 1999 y 2000 en Rusia, Malaisia y l'oceano Pacifico y en Memphis (Tennessee) en os Estaus Unius, y las suyas escenas se filmoron en a isla de Monuriki en Fichi, en Moscú en Rusia y en Mobeetie y atros puestos de Texas, en Los Angeles y Malibu en California y en Memphis en Tennessee, amás d'en os Universal Studios en Universal City en California.

Cast Away ye una cinta que ha recibiu cuantos premios y nominacions, en destacando dos nominacions en 2001 a los Premios Oscar en a suya 73ena edición (Millor Actor y Millor Soniu); una nominación a los Premios BAFTA ixe mesmo anyo en a suya 54^ena edición (Millor Actor); y un Premio Globo d'Oro a lo Millor Actor Dramatico tamién en 2001 en a 58^ena edición d'os Premios Globos d'Oro.

Elenco

Actor	Papel	Notas
	'

Se veiga tamién

• Cine en 2000.
• Cintas de 2000.

Vinclos externos

• Se veigan as imáchens de Commons sobre Cast Away.
• (en) Cast Away en Internet Movie Database.
• (en) Cast Away en Rotten Tomatoes.
• (en) Cast Away en Metacritic.
• (en) Cast Away en Box Office Mojo.

• Datos: Q213411
• Multimedia: Cast Away / Q213411