Casino (cinta de 1995)

Iste articlo ye sobre una cinta de drama de gángsters coproducida por Francia y Estaus Unius estrenada en 1995; ta atros usos, se veiga Casino (desambigación).

Casino
Títol	Casino
Póster d'a cinta.
Ficha tecnica
Dirección	Martin Scorsese
Dirección artistica	Jack G. Taylor Jr.
Producción	Barbara De Fina
Disenyo de producción	Dante Ferretti
Guión adaptau	Nicholas Pileggi Martin Scorsese
Basau en	Casino: Love and Honor in Las Vegas, asayo de Nicholas Pileggi (1995)
Fotografía	Robert Richardson
Montache	Thelma Schoonmaker
Escenografía	Rick Simpson
Vestuario	John Dunn Rita Ryack
Casting	Ellen Lewis
Actors	Robert De Niro Sharon Stone Joe Pesci James Woods Don Rickles Alan King Kevin Pollak L.Q. Jones Dick Smothers Frank Vincent John Bloom Pasquale Cajano Melissa Prophet Bill Allison Vinny Vella Oscar Goodman Catherine Scorsese Philip Suriano Erika Von Tagen Richard Riehle Frankie Avalon Steve Allen Jayne Meadows Jerry Vale Gene Ruffini Joseph Rigano Paul Herman
Color	Panavision Technicolor
Datos y cifras
País(es)	Estaus Unius Francia
Anyo	1995
Estreno	14 de noviembre de 1995 Nueva York (Nueva York, Estaus Unius) 13 de marzo de 1996 Francia
Chenero(s)	Cine de gángsters Cine de drama
Durada	178 min.
Idioma(s)	Anglés
Companyías
Productora(s)	Universal Pictures Syalis D.A. Légende Entreprises De Fina/Cappa
Distribución	Universal Pictures
Presupuesto	40-50 millons de dólars
Recauto	116,1 millons de dólars
Informacions en bases de datos especializadas:

Casino (títol orichinal, estrenada en Aragón con ixe mesmo títol) ye una cinta de cine de drama de gángsters coproducida por o cine estausunidense y lo cine francés estrenada l'anyo 1995, dirichida por Martin Scorsese seguntes un guión adaptau por Nicholas Pileggi y Martin Scorsese (basau en Casino: Love and Honor in Las Vegas, un asayo publicau por Nicholas Pileggi en l'anyo 1995), con una dirección de fotografía de Robert Richardson, una producción cinematografica de Barbara De Fina ta las productoras Universal Pictures, Syalis D.A., Légende Entreprises y De Fina/Cappa, y un elenco d'o cual en fan parte Robert De Niro, Sharon Stone, Joe Pesci, James Woods, Don Rickles, Alan King, Kevin Pollak, L.Q. Jones, Dick Smothers, Frank Vincent, John Bloom, Pasquale Cajano, Melissa Prophet, Bill Allison, Vinny Vella, Oscar Goodman, Catherine Scorsese, Philip Suriano, Erika Von Tagen, Richard Riehle, Frankie Avalon, Steve Allen, Jayne Meadows, Jerry Vale, Gene Ruffini, Joseph Rigano y Paul Herman, entre d'atros actors.

Sam "Ace" Rothstein treballa en 1973 ta la Mafia como experto pronosticador en Chicago, pero deciden ninviar-lo enta Las Vegas ta dirichir realment o casino Tangiers, lo chefe nominal d'o cual ye Philip Green. Una part important d'as ganancias d'o casino marchan sin contabilizar-se dreitament enta las arcas d'a mafia de Chicago, a traviés d'un hombre que mensualment lo leva en un maletín, y "Ace" consigue bien luego de llegar que ixos diners que marcn enta la Mafia se dupliquen. Remo Gaggi, lo capo d'a mafia de Chicago, decide ninviar tamién a Nicky Santoro, un farute amigo de "Ace" dende la infancia, ta que li protecha, pero iste recluta a su chirmano Dominick y a su amigo Frankie Marino ta orgnizar un equipo de delincuents especializaus y robar en Las Vegas tot o que puedan, y ixo atraye l'atención d'a Policía d'a ciudat, que dica l'inte acceptaba sin garra problema os sobornos d'Ace, mesmo que la clase politica d'a ciudat y de l'estau de Nevada. Finalment, rematan por prihibir-le la dentrada en cualsiquier casino, cosa que fa meter-se como una gripia a Nicky. Ace ha conoixiu a Ginger McKenna, una mesacha adedicada a las estafas y a la prostitución, y se casa con ella. Tienen una filla, pero Ginger conserva la relación con o suyo antigo novio y proxeneta Lester Diamond, y ixo fa apareixer muitos problemas en a relación, dica que descubre que Lester ha conseguiu 25.000 dólars de Ginger, y Ace ordena que l'eslanien de firme. Cuan en 1976 Ace li da palleta a Don Ward por incompetent, troba lo problema de que ye familia d'un politico local, qui fa que li revoquen a icencia ta poder treballar en un casino, y Ace prencipia una campanya periodistica que atraye l'atención sobre la participación d'a Mafia en os negocios d'o casino. Os chefes d'a mafia de Chicago deciden que Artie Piscano, lo chefe d'a mafia de Kansas City supervise las operacions de treslau de diners, y iste precipia a anotar en un cuaderno todas as suyas operacions, y una vichilancia d'o Federal Bureau of Investigation sobre un tema colateral fa que descubran toda la trama, y prencipian a investigar. En 1980, Lester secuestra a la filla d'Ace y se fuga con Ginger; cuan Ace los troba, recupera a su filla y fa fuera de casa a Ginger, qui se coverte en l'amant de Nicky. En 1982 os achents d'o FBI han completau a duya investigación y prencipian as detencions y tamién os asasinatos d'a Mafia ta zarrar as bocas de toz os implicaus y limitar os danyos.

A cinta s'ambienta dende 1973 dica 1986 en Chicago (Illinois), Las Vegas (Nevada) y Kansas City (Missouri) y las suyas escenas se filmoron en Henderson, Las Vegas, Overton, Sandy Valley y atros puestos de Nevada y Baker, Hanford y atros puestos de California, incluyindo-ie lo disierto Mojave.

Se tracta d'una cinta que ha recibiu cuantos premios y nominacions, en destacando una nominación a lo Premio Oscar a la Millor Actriz en 1996 mientres a 68^ena edición d'os Premios Oscar; y un Premio Globo d'Oro a la Millor Actriz Dramatica y una nominación a lo Premio Globo d'Oro a lo Millor Director ixe mesmo anyo en a 53^ena edición d'os Premios Globos d'Oro.

Elenco

Actor	Papel	Notas
	'

Se veiga tamién

• Cine en 1995.
• Cintas de 1995.

Vinclos externos

• Se veigan as imáchens de Commons sobre Casino.
• (en) Casino en Internet Movie Database.
• (en) Casino en Metacritic.
• (en) Casino en Box Office Mojo.
• (en) Casino en IRotten Tomatoes.
• (en) Casino en TCM Movie Database.

• Datos: Q220910
• Multimedia: Casino (1995 film) / Q220910