Cascant (Teruel)

De Biquipedia
(Reendrezato dende Cascant d'o Río)
Ir a la navegación Ir a la búsqueda
Cascant
Municipio d'Aragón
Entidat
 • País
 • Provincia
 • Comarca
Municipio
Flag of Aragon.svg Aragón
Teruel (provincia).svg Teruel
Comunidat de Teruel
Superficie 32,56 km²
Población
 • Total

74 hab. (2016)
Altaria 984 m.
Distancia
 • 22 km

enta Teruel
Codigo postal 44191
Chentilicio cascantinos
Coordenatas 40°12’ 0’’N 1° 6’ 0’’U
Cascant en Aragón
Cascant
Cascant
Situación de Cascant en Aragón

Cascant (Cascante del Río en castellán) ye un municipio de la provincia de Teruel, situau en la comarca de la Comunidat de Teruel. La suya población ye de 82 habitants (2014), en una superficie de 32,56 km² y una densidat de 2,53 hab/km².

Toponimia[editar | editar código]

Lo toponimo Cascant ye transparent en aragonés y significa salto d'augua en un río. Agustín Ventura Conejero explica la etimolochía de la parola Cascant a partir de lo verbo latín CASICARE ("cayer"), que en castellán da cascada[1] a partir de lo participio pasau -ATA>-ada, a diferencia de l'aragonés que lo fa con lo participio de present -ENTE > -ent.

Dimpués de castellanizar-se como Cascante, nombre oficial dica 1910, prenió l'apelativo del Río en 1920[2].

En lo termin de Cascant bi ha microtoponimos con components antigos como: El Morrón, Hoya del Lobo, Rodero, El Valladar, La Barraca, Vadillo, Cañadahonda, Los Castillejos, Hortales, La Torreta (con diminutivo -eta fosilizau), La Sunsida/Solsida/Solsina, El Sabucar, Solana del Coscollar, Ceja Travina, Rocha del Batán, Rincón de los Chirones, Plano Corral, Plano Carrascal, La Plana, Los Planos, Puche (castellanización de l'apelliu Puig), El Povil, Longadera, Cuadrillas, Las Crucijadas/Las Crucejadas, Las Covachas/Las Corvachas, Las Quinchas, Las enronas, Los arnachales, Arnachar, Armochares, Ambrigüelas/Ambrihuelas, Baldovín, Fuente de Jaranillo, Fon (de la) Curia/Fon de (la) Curria/Fon de Curra/Fon de la Curia/Fon Curria, Fon del Pino, La font del Piojo/Fon Piojo y Senda de la font del Moro.

Lo microtoponimo Fuen Podrida, cerca de la muga con Villel ye notable porque se troba como Fuente Pudia en la carta puebla d'ixa localidat:

fronton de la Quadradeja, et de la Quadradeja al fronton de la Escaleruela de la Trona, et de la Escaleruela a las canales del fondon a la foç de Ballcroch, et de las canales del fondon de la foç et fiere al Cabello Blanquo de la fuente Pudia, et del Cabello Blanquo de la fuente Pudia,...

Lo chentilicio de los habitants de Cascant lo trobamos como toponimo en lo nombre d'un mont de 1208 entre Tramacastiel y Villel, Cascantino, y en una partida de lo termin de Lo Cuervo, Puntal de Cascantino.

Cheografía[editar | editar código]

Ye chunto a lo río Camarena, afluyent d'o río Blanco.

Mugas[editar | editar código]

Lo suyo termin municipal muga con Cubla, Valacroch, Camarena de la Sierra, Rio Deva, Villel, y un cantón de lo termin de Bellestar.

Historia[editar | editar código]

Entre 1488 y 1495 perteneixeba a la Sobrecollida de Mont Albán. En 1610 perteneixeba a lo conte de Fuents[2].

Administración[editar | editar código]

Reparto de concellers[editar | editar código]

Eleccions municipals
Partiu 1979 1983 1987 1991 1995 1999 2003 2007 2011
Partido Popular 2
Partido Aragonés 1
Total 3

Alcaldes[editar | editar código]

Lista d'alcaldes
Lechislatura Nombre Partito politico
19791983
19831987
19871991
19911995
19951999
19992003
20032007
20072011
20112015 Julio Jiménez García Partido Popular

Referencias[editar | editar código]

  1. (es) Agustín Ventura Conejero: Toponimia de la provincia de Teruel. Revista Teruel, 48, 1972. p 227, p 239, p 243.
  2. 2,0 2,1 (es) Antonio Ubieto Arteta: Historia de Aragón. Los Pueblos y los despoblados, I. Anubar ediciones, 1986. p 336.


 
Municipios d'a comarca Comunidat de Teruel
Aguatón | Aguilar d'Alfambra | Alava | Alfambra | Almofalla | Alobras | Alpenyés | Archent | Beguiellas d'El Cuervo | Bellestar | Camanyas | Camariellas | Canyada Vellida | Cascant | Cedriellas | Celadas | Cella | Corbalán | Cubla | Lo Cuervo | Escoriuela | Cuevas Labradas | Exorcas | Fababuix | Fuents Calients | Galv | Libros | Lidón | Mont Agut | Orrios | Pancrudo | Peralellos | Perals | Lo Pobo | Riello | Río Deva | Santa Olalia | Teruel | Tormón | Torre la Cárcel | Torremocha de Xiloca | Tramacastiel | Valacroch | Villar Cremato | Villel | Visiedo