Carnaval de Luco de Xiloca
O carnaval de Luco de Xiloca ye un carnaval popular celebrau en zaguerías d'o mes de febrero en a localidat teruelana de Luco de Xiloca, perteneixient a o municipio de Calamocha en a comarca de Xiloca. [1]
Historia
[editar | modificar o codigo]Iste carnaval estió dica a Guerra Civil Espanyola una d'as fiestas con mas arradigo d'a comarca de Xiloca.[2] Prohibida mientres a dictadura franquista, tornó a recuperar-se en l'anyo 2003 gracias a l'intrés de l'Asociación Cultural Zarragones.[3]
Celebracions
[editar | modificar o codigo]Se celebra toz os anyos o sabado de Carnaval[4], fendo-se-ie conciertos, birolla popular, azoque y l'acto principal, un pasavilla chunto a os personaches principals.
Ditos personaches d'o carnaval de Luco de Xiloca son:
- Os zarragons, son os personaches mas importants y con mas tradicions d'a fiesta, estando a vegadas conoixida con o suyo nombre. Son grotescos y alegres, vestius con telas de sarpillera. Levan una tranca u palo luengo rematau en cuantas puntas.
- Os diaples, son os antagonistas d'os zarragons y representan o costau triste y fosquizo d'a fiesta. Levan ropas negras en a parti inferior y un brusón blanco en a superior, con a cara pintada de negro y una boina en o tozuelo.
- As madamas, ye o divraz d'as mullers d'o lugar. As d'as clases mas baixas portian una siella en o tozuelo y dencima d'ista una tela u cobertor pa cubrir-les o cuerpo. As d'as clases altas levan tranches y adornos lampants.
Se veiga tamién
[editar | modificar o codigo]Referencias
[editar | modificar o codigo]- ↑ (es) Estos son los pueblos de Aragón con las tradiciones más curiosas en carnaval: de Épila a Torla. Heraldo de Aragón, 21 de febrero de 2025.
- ↑ (es) Los Zarragones de Luco en Calamocha.es
- ↑ (es) Zarragones, madamas y diablos se adueñan de las calles de Luco del Jiloca. José Luis Rubio. Diario de Teruel, 3 de marzo de 2025
- ↑ (es) Los Zarragones de Luco de Jiloca 2025. Cuandopasa.com
Vinclos externos
[editar | modificar o codigo]- (es) Carnaval de Luco de Jiloca en Xilocapedia
- (es) Zarragones en Jiloca.es
| |||||||
| |||||||