Carnaval de Broto
O carnaval de Broto ye un carnaval tradicional celebrau en a localidat de Broto, en a comarca de Sobrarbe.
Historia
[editar | modificar o codigo]En l'anyo 2007 os vecins de Broto recuperoron a fiesta que heba deixau de celebrar-se mientres cuantas decadas.[1]
Celebracions
[editar | modificar o codigo]As celebracions d'o carnaval de Broto duraban d'antis mas tres chornadas, encara que en l'actualidat se fan en un unico día.
L'acto central y mas tradicional ye l'enterreco d'o Carnaval, que ye o muyén d'ista celebración. Primero se fa una ronda por as carreras d'o lugar con musicos, porrons pa beber y pastas pa minchar. Os vecins se troban en a Casa de ra Val a on o Chusticia leye os cargos a o Carnaval preso, que ye executau astí mesmo. Dos personas cubiertas por un linzuelo representan a o "muerto" que ye acompanyau por os vecins portiando fallas dica o puent viello d'Oto, a on ye penchau y cremau.[2][3]
Se veiga tamién
[editar | modificar o codigo]Referencias
[editar | modificar o codigo]- ↑ (es) Carnaval de Broto. Sobrarbe.com
- ↑ (es) 🎭 Los 8 Carnavales Tradicionales 👹 y más divertidos 🥳 que no puedes perderte en Huesca. Blog Huesca la Magia, 4 de febrero de 2025
- ↑ (es) Fiesta y tradición: un viaje por los carnavales más singulares de la provincia. Verónica Allué. Diario del AltoAragón, 5 de febrero de 2024
Vinclos externos
[editar | modificar o codigo]
| |||||||
| |||||||