Carnaval d'a val de Chistau

Val de Chistau

O carnaval d'a val de Chistau ye una serie d'actos festivos tradicionals con motivo d'o carnaval celebraus en as prencipals localidaz d'a val de Chistau, en a comarca de Sobrarbe.

Chistén

O protagonista d'o carnaval en Chistén ye, como en atros puestos d'a comarca, o muyén, qui será achusticiau en o "domingo de Pinyata" dimpués d'una ronda por o lugar. D'antis mas os chistabins y chistabinas se disvrazaban de muyens y madamas pa no poder estar reconoixius dica o baile.

Sant Chuan de Plan

En Sant Chuan de Plan o muyén u peirot, feito de palla y ropas viellas, se monta en un somero, fendo-se asinas a ronda por o lugar. O sabado os mayordombres, mozos que han estau ixe anyo encargaus d'a organización d'as fiestas, se disvrazan con traches de color blanca, mientres que as mesacha, ditas madamas, s'adornan o vestiu con gorros de cintas multicolors.

O baile prencipia en arribar a ronda ta a plaza y se fa con o pasodoble dito "Domingo de Carnaval", baila nomás os mayordombres con as madamas. Un personache conoixiu como el melitá para cuenta que se cumplan os regles, mantenendo l'orden y mirando tamién que as parellas no s'arrimen masiau. A fiesta remata o domingo con a crema d'o peirot a mans d'os vecins.

Plan

A celebración en Plan ye mas familiar y se fa chunto con as aguedas, mullers que fan parti d'a festividat de santa Agueda. Os chóvens d'o lugar fan una ronda dividius por edat y dimpués i hai un baile de disvraces.

Se veiga tamién

• Carnaval en Aragón

Vinclos externos

• (es) Carnavales del Valle de Chistau. Sobrarbe.com