Carnaval d'Epila
O carnaval d'Epila ye un carnaval popular celebrau en zaguerías d'o mes de febrero en a localidat zaragozana d'Epila, en a comarca de Val de Xalón. Declarada Fiesta d'Intrés Turistico d'Aragón ye una d'as tradicions mas arradigadas d'iste municipio y o carnaval mas conoixiu d'a provincia de Zaragoza.[1][2]
Historia
[editar | modificar o codigo]Se tracta d'una celebración documentada dende fa cuasi dos sieglos que s'ha veniu celebrando dende alavez. Destacable ye a continidat d'a celebración mientres a Guerra Civil Espanyola y a posterior dictadura franquista, cuan ista mena de festividaz paganas fuoron prohibidas. Ye mientres ixos anyos de franquismo cuan os vecins habioron de cabidar a forma d'amagar a celebración d'o carnaval a las autoridaz, fendo os actos a amagatons, creyando enigmaticas pedimentas y imitando voces agudas.[3]
Celebracions
[editar | modificar o codigo]As celebracions d'o carnaval d'Epila prencipian o Chueves lardero y s'estendillan dica o dominche d'a semana siguient, conoixiu como "dominche de Pinyata".
Os personaches d'o carnaval d'Epila son:
- Don Zaputero, ye a fegura d'o muyén, pleno de palla que se pencha en a casa d'a Villa y ye condenau a muerte o dominche de Pinyata, en rematar o carnaval, cuan ye cremau dimpués d'un pasavilla que remata en a plaza mayor.[4]
- As mascarutas, como o propio nombre diz son personaches disvrazaus con una mascaruta u taleguillo, retalle de tela, en a cara pa ocultar a suya identidad, feito que consiguen tamién a traviés d'una voz aguda. Apareixen en grupos, parando as ditas murgas que d'antis mas se cantaban en casas u tabiernas y agora se fan en o salón municipal.[5]
Se veiga tamién
[editar | modificar o codigo]Referencias
[editar | modificar o codigo]- ↑ (es) El carnaval de Épila, que comienza este jueves, declarado Fiesta de Interés Turístico de Aragón. Deputación Provincial de Zaragoza, 25 de febrero de 2025
- ↑ (es) El carnaval de Épila, de más de 176 años y que burló la censura franquista, declarado Fiesta de Interés Turístico de Aragón. AraInfo, 26 de febrero de 2025.
- ↑ (es) El carnaval de Épila, que comienza este jueves, declarado Fiesta de Interés Turístico de Aragón. Europa Press, 25 de febrero de 2025
- ↑ (es) Las Mascarutas de Épila ya se preparan para celebrar el Carnaval. CARTV, 23 de febrero de 2025.
- ↑ (es) Las mascarutas de Épila en o blog Identidad Aragonesa.
Vinclos externos
[editar | modificar o codigo]
| |||||||
| |||||||