Carlos Pérez Anadón

Carlos Pérez Anadón
Consellero d'Hicienda y Administración Publica d'o Gubierno d'Aragón
6 d'agosto de 2019 – 23 de chunio de 2023
President	Javier Lambán
Gubierno	Segundo Gubierno Lambán
Precediu por	Fernando Gimeno Marín
Succediu por	Roberto Bermúdez de Castro Mur
Deputau en as Corz d'Aragón por Zaragoza
20 de chunio de 2011 – 16 d'aviento de 2025
Concellero d'o Concello de Zaragoza
4 de chulio de 1999 – 15 de chulio de 2019
Concellero d'o Concello de Fuents d'Ebro
8 de mayo de 1983 – 19 de setiembre de 1988
Naiximiento	17 d'octubre de 1957 Fuents d'Ebro (Comarca Central, Aragón)
Partiu	Partido de los Socialistas de Aragón

Carlos Pérez Anadón (Fuents d'Ebro, 17 d'octubre de 1957) ye un politico aragonés. Dica o 12 d'agosto de 2023, estió consellero d'Hicienda y Administración Publica d'o Gubierno d'Aragón.

Biografía

En a suya actividat institucional ha estau primer tenient d'alcalde d'o Concello de Fuents d'Ebro (Zaragoza) de 1983 a 1988; vicepresident d'a Deputación Provincial de Zaragoza y portavoz d'o Grupo Socialista en a mesma, dica 1988; y presidente d'a Institución Fernando el Católico.

En 1988 fue nombrau delegau d'a comunidat autonoma d'Aragón y gubernador civil de Zaragoza, cargos que ocupó dica 1993, cuan pasó a estar director cheneral de Politica Interior. En 1994 ye nombrau president d'a Confederación Hidrografica de l'Ebro, cargo que ocupó dica chunio de 1996.

Mientres vente anyos, dende 1999 dica l'anyo 2019 ha estau concellero d'o Concello de Zaragoza por el PSOE, habendo teniu cuantos cargos en o mesmo y en atras institucions:

• 1999 a 2003: vicepresident d'a Chunta de Gubierno d'a Canal Imperial d'Aragón, deputau provincial y portavoz d'o Grupo Socialista.

• 2003 a 2007: tenient d'alcalde, portavoz d'o Grupo Municipal Socialista, delegau de l'Aria de Presidencia, concellero secretario d'a Chunta de Gubierno Local, delegau d'a Policía Local, president d'a Terminal Maritima de Zaragoza (TMZ) y vicepresident de Mercazaragoza.

• 2007 a 2011: concellero d'Urbanismo, Infraestructuras, Equipamientos y Vivienda.

• 2011 a 2015: concellero d'Urbanismo, Infraestructuras, Equipamientos y Vivienda y segundo tenient d'alcalde y concellero delegau d'a Policía Local.

O 6 d'octubre de 2014 fue nombrau candidato d'o PSOE a l'alcaldía de Zaragoza dimpués d'un proceso de primarias en as que estió l'unico candidato que consiguió recullir os avals que caleba pa concorrer a o proceso.

En as eleccions municipals d'o 24 de mayo de 2015 celebradas en a capital aragonesa, o PSOE estió a tercera fuerza mas votada con 60.746 votos (18,65%) y seis concellers, perdendo-ne cuatre respecto a l'anterior cita electoral de 2011 y conseguindo o suyo segundo pior resultau en Zaragoza dimpués de 1995 con Emilio Comín como candidato a l'alcaldía. Como ocurrió feba cuatre anyos, o PSOE nomás estió o partiu mas votau en o barrio de Las Fuents, pero cuasi perdió tamién ixa condición ya que nomas ganó por un marguin de 350 votos respecto a Zaragoza en Común.

L'11 de chunio, o candidato d'o Partido Popular a l'alcaldía de Zaragoza y ganador d'as eleccions, Eloy Suárez l'ufrió un alcuerdo «sin de mugas» y l'alcaldía d'a ciudad a cambio d'un gubierno de coalición entre o PP y o PSOE, os cuals sumarían a mayoría absoluta en o concello d'a capital. Pero ista propuesta fue refusada por Pérez Anadón y dos días dimpués o suyo partiu, CHA y Zaragoza en Común votaban a favor d'a investidura de Pedro Santisteve (ZeC) como nuevo alcalde d'a ciudat de Zaragoza.

O 7 d'agosto de 2019 preneba posesión d'o cargo de consellero d'Hicienda y Administración Publica d'o Gubierno d'Aragón presidiu por o socialista Javier Lambán en o suyo segundo mandato.

Miembro d'a executiva d'o PSOE

Fue miembro d'a Comisión Executiva Federal d'o PSOE. O 28 de setiembre de 2016, dimitió chunto a atros deciséis miembros d'a mesma, con obchecto de prevocar a cayida de Pedro Sánchez como secretario cheneral d'o PSOE.

Vinclos externos

• Se veigan as imáchens de Commons sobre Carlos Pérez Anadón.

• Datos: Q20013826
• Multimedia: Category:Carlos Pérez Anadón / Q20013826