Cardo con almendras

Un u más biquipedistas son treballando actualment enamplando iste articlo.

Puede estar que, por ixo, bi haiga lagunas de conteniu u deficiencias de formato. Por favor, antis de realizar correccions mayors u reescrituras, contacte con éls en a suya pachina d'usuario u a pachina de discusión de l'articlo ta poder coordinar-ne la redacción.

Cardo con almendras

Atras denominacions
Cardo a l'aragonesa
Orichen cheografico
Cocina:	Gastronomía d'Aragón Gastronomía de La Rioja Gastronomía de Navarra
Se mincha en:	Aragón La Rioja Navarra
Categoría:	Verduras
Elaboración
Ingredient principal:	cardo
Ingredient principal:	almendra
Ingredients:	-500 gr. de cardos -1 limón -1 dl d'aceite d'oliva -2 asclas d'allo -1 cullaradeta de preixil -1 cullarada de farina -3 dl de caldo -2 l d'augua -100 gr d'almendras fresadas -sal -pebre -nata agra

O cardo con almendras u cardo a l'aragonesa ye una receta de cocina propia d'as gastronomías d'Aragón, Navarra y La Rioja en a que l'ingredient prencipal son os cardos, cocinaus con una salsa que se composa d'almendras y acompanyaus de nata agra.

Ye una receta a on los suyos ingredients se troban presents en o territorio d'Aragón dende muit antigament y que fácil que se conoixese ya en epoca de l'Imperio Romano, y que hue en día ye una d'as recetas tradicionals asociadas a las fiestas de Navidat.^[1]

Ye un plato que se sirve calient, y gosa servir-se a la mesa con nata agra y acompanyau de birostas de pernil, preferentment de pernil de Teruel.

Preparación

En primeras, cal limpiar bien os cardos, cortando-los dimpués en escais, d'alto u baixo 2 cm de longaria, y fendo-ne la suya cocción en augua con o suco d'o limón alto u baixo 10 u 12 minutos dica que estén bien cocius, reservando-los en a suya propia augua de cocción.

D'atra man, en un cazuel con una mica d'aceite d'oliva se fríe una ascla d'allo y una mica de preixil, bien trastallau, adhibindo-ne dimpués una cullarada de farina y bels 250 ml de caldo, dica que la salsa quede bien ligada. S'escola lo caldo de cocción d'os cardos y se lis adhibe ista salsa, dixando cocer uns minutos (cal retirar lo caldo de cocción d'os cardos por a suya amargor).

En un almidet se carracan as almendras (previament torradas) con una mica d'augua dica que quede una mena de pasta, que se disuelve con una mica d'a salsa d'os cardos y se conchira bien con istos, s'adhibe sal y pebre y se dixa cocer bels 10 minutos mas, servindo-se, como s'ha dito, con nata agra (que sirve tamién ta contrarrestar l'amargor d'o cardo) y birostas de pernil (que amás d'aportar una mica de proteína milloran o sabor d'o plato).