Carda

Una carda.

A carda (de cardo) u escarda yera una ferramienta que s'emplegaba dos de vez y serviba pa cardar a lana lo mas fino que se podese. Una carda consistiba en una tableta de madera rectangular con un mango en un d'os costaus largos y que teneba una d'as superficies amplas bien atipida de pugas de metal. As formas mas primitivas d'iste utensilio yeran a cabeza d'un cardo, d'an les viene o nombre.

As cardas s'emplegaban de dos. La una se meteba plana en a falda, con as pugas tripa ta alto, y se le meteba os brins de lana en as pugas, y alavez, con l'atra concarada en sentiu contrario y cutio-cutio anque a buen ritmo, se pintinaba la lana de modo que se desfesen os nudos. Si se feba malament a lana «s'apedregaba», que ixo ye que se le feban uns nudos muit bastos y ya no yera de buen filar. En rematar, a lana «s'esbrinaba» (se quitaba d'a carda ya cardada) y s'escomenzaba de nuevo con unatro brin.

Se veiga tamién

• Rueca.
• Debanadera u demoret.
• Fuso.
• Cardau d'a lana.

Referencias

• Datos: Q7360130