Capreolus pygargus

*Capreolus pygargus*
Capreolus pygargus
Denominacions populars
curzo siberiano
Estau de conservación
Seguro (IUCN)
Clasificación cientifica
Reino:	Animalia
Filo:	Chordata
Clase:	Mammalia
Orden:	Artiodactyla
Familia:	Cervidae
Subfamilia:	Capreolinae
Chenero:	Capreolus
Especie:	C. pygargus
Descripción
Capreolus pygargus Peter Simon Pallas, 1771

O curzo siberiano^[1] (nombre cientifico Capreolus pygargus) ye una especie de mamifero artiodactilo d'o chenero Capreolus y d'a familia Cervidae.

Descripción

O curzo siberiano fue considerau una subspecie d'o curzo común, pero dende octubre de 2007 ha estau clasificau como una especie diferent. Tien un cornamen mas gran (bels 38 cm de meya) con mas ramificacions (ueito de meya y mesmo mas) que o curzo común. A suya grandaria ye mayor, con bels 90 cm en a cruz y puet plegar dica os 59 kg de peso. Ye capable de fer blincos horizontals de dica quince metros. Por un regular vive una meya d'entre ueito y doce anyadas, con un maximo de catorce a deciueito anyos en captividat.

En 1979 G. Stubbe y Z. Bruholf facioron una serie de cruces entre curzos comuns y siberianos. Nomás un 20 % d'os hibridos sobrevivioron sin d'aduya y os masclos sobrevivients yeran estérils mientras que as hembras hibridas mantenioron a fertilidat.

Distribución

Distribuyiu por o nord-este d'Asia. Amás de Siberia, vive en Cazaquistán, as montanyas Tian Shan, en l'este d'o Tibet, a península de Corea y o nord-este de China. Por l'ueste plega dica os monts Urals y o Caucas, a on coincide con o curzo común (Capreolus capreolus), encara que a especie siberiana habita a versant norte y a especie común a versant sud. Amás, fue ficau en Anglaterra en 1939, manimenos ye debutoso que encara i queden eixemplars en a naturaleza.