Campionato d'o Mundo d'Atletismo de 2015

Pekín 2015
Beijing Nacional Stadium.
Información cheneral
Nombre oficial:	15st World Championships in Athletics
Esporte:	Atletismo
Estau:	China
Calendata:	10 d'agosto - 18 d'agosto
Pachina web:	Pekín 2015 en World Athletics.
Información cheneral
Federación:	IAAF
Organizador:	IAAF (hue World Athletics) y la Federación Italiana d'Atletismo
Historia
Primera edición:	1983
Zaguera edición:	2013

O Campionato d'o Mundo d'Atletismo de 2015, fue a XV edición d'o Campionato d'o Mundo d'Atletismo celebrau en a ciudat china de Pequín, dende o 29 d'agosto dica o 4 de setiembre, estió organizau por l'Asociación Internacional de Federaciones d'Atletismo (hue World Athletics) y a Federación China d'Atletismo.

Las competicions se facioron en lo Estadio Nacional de Pekín, conoixiu como el niu, a on i compitioron 1.781 atletas de 205 federacions nacionals. As prebas de marcha atletica y maratón se celebroron en circuitos urbanos con salida y arribada en o estadio.

En o medallero por países, d'os 43 países que ganoron medalla, Kenya estió primero en o medallero por primera vegada en a suya historia con siet medallas d'oro, seis d'archent y tres de bronce. O país que aconsiguió mas medallas estió Estaus Unius con 18, pero con seis d'oro, seis d'archent y seis de bronce estió dezaga de Kenya y Chamaica en o medallero. Rusia, primera en l'anterior edición estió novena por a suya renuncia a partecipar con gran parti d'os suyos atletas por os problemas de dopache que tien a suya federación y finalment destacar que l'anfitriona China estió 11ena. en o medallero.

A nivel individual masculín bi ha de destacarse-hi a Usain Bolt con tres medallas d'oro, Mo Farah con dos,Ezequiel Kemboi con o suyo cuatreno títol en a preba de 3.000 m obstaclos, David Rudisha con o segundo títol de 800 metros lisos, amás amás d'as victorias de Christian Taylor en triple brinco con una marca muit cercana a o récord d'o mundo y de Ashton Eaton en a preba de decatlón superando o suyo récord d'o mundo anterior.

Estre as sorpresas bi ha de destacarse-hi as victorias d'os kenyatas Julius Yego en a preba de tirada de chavelina, o primer títol de Kenya en una preba de campo y Nicholas Bett en os 400 metros cletas. Atras victorias sorpresas a destacar son as d'o canadiense Shaw Barber en brinco con percha y a preba de maratón con l'eritreo Ghirmay Ghebreslassie con a primera medalla d'oro aconseguida ta Eritrea en tadas as edicions celebradas d'os Campeonatos d'o Mundo d'atletismo dica linte.

En a categoría femenina destacar as dos medallas d'oro de Shelly-Ann Fraser-Pryce, Anita Włodarczyk con una tirada muit cercana a o suyo récord d'o mundo de martillo, a Liu Hong en os 20 km marcha, as dos medallas de Genzebe Dibaba, una d'oro y un atra de bronce y o triplete (medalla d'oro, archent y bronce) d'Etiopia en os 5.000 metros lisos con Almaz Ayana, Senbere Teferi y Genzebe Dibaba, amás amás d'a primera victoria d'Allyson Felix en 400 metros lisos en a que ye a suya nouena medalla d'oro en os campionatos y a trecena en total.

Vinclos externos

• Se veigan as imáchens de Commons sobre lo Campionato d'o Mundo d'Atletismo de 2015.
• (en) Pachina web oficial de Pekín 2015.
• (en) Pekín 2015 seguntes World Athletics.

• Datos: Q1026555
• Multimedia: 2015 World Championships in Athletics / Q1026555