Calzonciello
O calzonciello[1][nota 1] u canzonciello[1][nota 2] u, mas usau en plural, calzonciellos u canzonciellos, ye una prenda de ropa interior masculina que cubre dende a cintura dica o naixmiento d'a cuixa. En bels casos plegan a cubrir dica mas abaixo. S'emplegan ta protecher a zona chenital (pene y testiclos) d'o contacto contino con a ropa exterior, que gosa estar mas aspra.
O suyo nombre proviene d'as antigas calzas, que cubriban dende a cintura dica as puntas d'os piez. D'istas calzas han derivau os nombres de muitas d'as prendas que se fan servir de cintura ta abaixo: calcetins, medias (calzas), calzons, calcetas, calcero y atras.
En aragonés cheso se documenta a variant zafarragüellos.[1]
Notas
[editar | modificar o codigo]Referencias
[editar | modificar o codigo]- ↑ 1,0 1,1 1,2 (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
Se veiga tamién
[editar | modificar o codigo]
Datos: Q7863403
Multimedia: Underpants / Q7863403