Calendar Girls

Iste articlo ye sobre una cinta britanica de cine de comedia dramatica de l'anyo 2003; ta atros usos, se veiga Calendar Girls (desambigación).

Calendar Girls
Títol	Calendar Girls
Póster d'a cinta.
Ficha tecnica
Dirección	Nigel Cole
Aduyant de dirección	Guy Barker
Dirección artistica	Mark Raggett
Producción	Suzanne Mackie Nick Barton
Disenyo de producción	Martin Childs
Guión orichinal	Tim Firth Juliette Towhidi
Musica	Patrick Doyle
Fotografía	Ashley Rowe
Montache	Michael Parker
Vestuario	Frances Tempest
Maquillache	Christina Baker Deborah Jarvis
Peluquería	Christina Baker Kay Bilk Karen Sherriff-Brown
Casting	Gail Stevens
Actors	Helen Mirren Julie Walters Linda Bassett Annette Crosbie Celia Imrie Penelope Wilton Geraldine James Philip Glenister Ciarán Hinds John Alderton George Costigan
Datos y cifras
País(es)	Reino Uniu
Anyo	2003
Estreno	9 d'agosto de 2003 Festival de Cine de Locarno (Locarno, Cantón d'o Tesino, Suiza) 2 de setiembre de 2003 Reino Uniu
Chenero(s)	Cine de comedia Cine de drama
Durada	108 min.
Idioma(s)	Anglés
Companyías
Productora(s)	Harbour Pictures
Distribución	Buena Vista International
Presupuesto	10 millons de dólars
Recauto	93,4 millons de dólars
Informacions en bases de datos especializadas:

Calendar Girls (títol orichinal en anglés, en aragonés As mesachas d'o calandario, estrenada en Aragón con o suyo títol traduciu enta lo castellano como Las chicas del calendario) ye una cinta de cine britanico de cine de comedia dramatica estrenada l'anyo 2003, dirichida por Nigel Cole seguntes un guión orichinal de Tim Firth y Juliette Towhidi, con una banda sonora orichinal de Patrick Doyle, una dirección de fotografía d'Ashley Rowe, una producción cinematografica de Suzanne Mackie y Nick Barton ta la productora cinematografica Harbour Pictures y un elenco d'actors d'o cual en fan parte, entre d'atros, Helen Mirren, Julie Walters, Linda Bassett, Annette Crosbie, Celia Imrie, Penelope Wilton, Geraldine James, Philip Glenister, Ciarán Hinds, John Alderton y George Costigan.

A cinta s'inspira en un feito real, y conta cómo Annie Clarke y Chris Harper son dos amigas que viven en un lugarón de Yorkshire, en Anglaterra. Pasan o suyo tiempo en as actividaz organizadas por a sección local de l'Instituto d'a Muller dica que a John, lo mariu d'Annie li diagnostican una leucemia terminal. Como Anie pasa muito tiempo en o hespital local y Chris li fa companyía, descubren que lo sofá d'a saleta ye extremadament incomodo, y ista piensa que lo calandario que fa cada anyo la sección local de l'Instituto d'a Muller podría destinar os suyos beneficios a mercar-ne uno de nuevo. O problema ye que los beneficios que cada anyo reporta la venda d'o calandario no cubren o pre d'un sofá nuevo. Alavez, tien una ideya: fer un calandario con mullers d'edat como ellas, nomas que espulladas, pero no con conteniu sexual, so que artistico. Prencipia por convencer a Annie, pero las atras mullers no son masiau dispuestas, dica que consigue que un fotografo semi profesional sía qui faga las fotografías. Tanimientre, a presidenta d'a sección local de l'Instituto d'a Muller ye en contra y consigue que cuan ya han imprimiu os 500 calandarios que pueden pagar, ixe Instituto lis retire lo suyo refirme. Annie y Chris marchan enta Londres ta convencer a los responsables de l'Instituto de que l'autoricen.

A cinta s'ambienta en a suya epoca actual (2003) en Yorkshire d'o Norte y Londres (Anglaterra) y Los Angeles (California) y las suyas escenas se filmoron en Ilkley, Ingleton, Kettlewell, Kilnsey, Malham, Middleham, Settle y Skipton (Yorkshire d'o Norte), Bradford (Yorkshire de l'Ueste), Turville (Buckinghamshire) y Londres y Westminster (Gran Londres) en o Reino Uniu y en Los Angeles y Santa Monica (California, Estaus Unius).

Se tracta d'una cinta que ha recibiu bels premios y nominacions, en destacando una nominación a lo Premio d'o Cine Europeu a la Millor Actriz en 2003 mientres a 16^ena edicion d'os Premios d'o Cine Europeu; y una nominación a lo Premio Globo d'Oro a la Millor Actriz de Musical u Comedia en 2004 mientres a 61^ena edición d'os Premios Globos d'Oro.

Elenco

Actor	Papel	Notas
	'

Se veiga tamién

• Cine en 2003.
• Cintas de 2003.

Vinclos externos

• (en) Calendar Girls en Internet Movie Database.

• Datos: Q83789