Calandario gregorián

Gregorio XIII, l'establidor d'o calandario gregorián.

O calandario gregorián ye o calandario establito por o papa Gregorio XIII, a instancias de Ghiraldi. Ye vichent dende 1582 y proviene d'o calandario chulián, emplegato dende que Chulio César lo instauró en l'anyo 46 aC. A reforma d'o calandario fue estudiata y reyalizata por os matematicos d'a Universidat de Salamanca, que presentoron a lo Papa a propuesta definitiva. Chusto aquel anyo, o papa ordenó que s'eliminasen 10 días d'o calandario (o 4 d'octubre fue seguito por o 15 d'octubre), ta compensar l'abance d'a plegata d'a primavera prevocata por o feito de que o calandario chulián, vichent dica allora, no compensaba correctament a precesión d'os equinoccios.