C'era una volta il West

C'era una volta il West
Títol	C'era una volta il West
Ficha tecnica
Dirección	Sergio Leone
Dirección artistica	Carlo Simi
Producción	Fulvio Morsella
Guión adaptau	Sergio Donati Sergio Leone
Basau en	una historia de Dario Argento, Bernardo Bertolucci y Sergio Leone
Musica	Ennio Morricone
Soniu	Fausto Ancillai Luciano Anzellotti Roberto Arcangeli Gilles Barberis Alessandro Biancani Italo Cameracanna Claudio Maielli Elio Pacella
Fotografía	Tonino Delli Colli
Montache	Nino Baragli
Escenografía	Carlo Simi Rafael Ferri Carlo Leva
Vestuario	Carlo Simi Antonella Pompei
Efectos especials	Eros Bacciucchi
Actors	Claudia Cardinale Henry Fonda Jason Robards Charles Bronson Gabriele Ferzetti Woody Strode Jack Elam Lionel Stander Paolo Stoppa Frank Wolff Keenan Wynn
Color	Technicolor Techniscope
Datos y cifras
País(es)	Italia Estaus Unius
Anyo	1968
Estreno	20 d'aviento de 1968 Roma (Lazio, Italia) 28 de mayo de 1969 Nueva York (Nueva York, Estaus Unius)
Chenero(s)	Cine de western
Durada	171 min.
Idioma(s)	Italiano Anglés Castellano
Companyías
Productora(s)	Euro International Films Paramount Pictures Rafran Cinematografica Finanzia San Marco
Distribución	Euro International Films
Estudio(s)	Cinecittà Paramount Studios
Presupuesto	5 millons de dólars
Informacions en bases de datos especializadas:

C'era una volta il West (títol orichinal en italiano, en aragonés Yera una vegada en l'Ueste, estrenada en Aragón con o títol en castellano de Hasta que llegó su hora, en aragonés Dica que plegó la suya hora) ye una cinta de cine de western coproducida por o cine italiano y lo cine estausunidense estrenada l'anyo 1968, dirichida por Sergio Leone seguntes un guión adaptau por él mesmo y por Sergio Donati (basau en una historia de Dario Argento, Bernardo Bertolucci y lo mesmo Sergio Leone), con una banda sonora orichinal d'Ennio Morricone, una dirección de fotografía de Tonino Delli Colli y una producción cinematografica de Fulvio Morsella ta las productoras Euro International Films, Paramount Pictures, Rafran Cinematografica y Finanzia San Marco. Fan parte de l'elenco d'a cinta, entre d'atros actors, Claudia Cardinale, Henry Fonda, Jason Robards, Charles Bronson, Gabriele Ferzetti, Woody Strode, Jack Elam, Lionel Stander, Paolo Stoppa, Frank Wolff y Keenan Wynn.

Harmonica baixa d'un tren en o lugar de Flagstone, y i mata a tres hombres que planeyaban o suyo asasinato. Harmoniva asperaba a un hombre clamau Frank, pero qui lo han atacau son hombres de Cheyenne. Simultaniament, a banda de Frank asasina a Brett McBain y a sus tres fillos en o suyo rancho cuan preparaban una fiesta. La fiesta yer en a honor de Jill McBain, una antiga prostituta de Nueva Orleans que s'heba casau con Brett feba poquez días. Frank ha deixau en a escena d'o crimen evidencias wue implican a Cheyenne, y Jill se pregnnta sobre lo porqué d'os asasinatos. Morton, o propietario d'o ferrocarril, heba contractau a frank ta intimidar a Brett, no ta matar-lo, y lo motivo yera apoderar-se d'o rancho de Brett porque iste heba trobau augua en bel meyo d'o disierto y sbeba que ixo faría que se i fese una gara en ixe puesto, y de feito ya heba comprau os materials necesarios ta construyir-ie un lugar, con toz os suyos edificios. Pero si cuan a linia d'o ferrocarril plega en o rancho no ye construyida la gara, la propiedat revertirá en o ferrocarril, y agora Frank deseya estar-ne él o propietario. Cheyenne troba a Harmonica y li niega estar implicau en l'asasinato, y Harmonica salva a Jill d'un ataque d'os hombres de Frank, pero cuan descubre la conexión de Morton con Frank ye capturau. Lo libera Harmonica y toz dos colaboran con Jill prencipiando a construyir a gara ta Jill. Frank no sabe porqué lo persigue Harmonica, pero en a escena final d'a cinta se conoix o porqué, sin que sía un final feliz ta toz.

A cinta s'ambienta en bel momento indeterminau d'o sieglo XIX en bel puesto igualment indeterminau de l'ueste d'Estaus Unius, y as suyas escenas se filmoron en localizacions en Arizona (incluyius Kayenta, Mexican Water, Red Mesa y Teec Nos Pos) y Utah (incluyiu Moab) en Estaus Unius, en Bavispe (Sonora) en Mexico y en Almería (Almería) y Guadix y La Calahorra (Granada) en Espanya, amás d'en os estudios de Cinecittà en Roma en Italia y en os Paramount Studios en Los Angeles (California) en Estaus Unius.

Se tracta d'una cinta que ha recibiu cuantos premios y nominacions, en destacando un Premio David de Donatello a lo Millor Productor en 1969 en a 14^ena edicion d'os Premios David de Donatello.

Elenco

Actor	Papel	Notas
	'

Se veiga tamién

• Cine en 1968.
• Cintas de 1968.

Vinclos externos

• Se veigan as imáchens de Commons sobre C'era una volta il West.
• (en) C'era una volta il West en Internet Movie Database.
• (en) C'era una volta il West en TCM Movie Database.
• (en) C'era una volta il West en l'American Film Institute Catalog de l'American Film Institute.
• (en) C'era una volta il West en Rotten Tomatoes.

• Datos: Q168154
• Multimedia: C'era una volta il West / Q168154