Bullwhip

Bullwhip
Títol	Bullwhip
Ficha tecnica
Dirección	Harmon Jones
Aduyant de dirección	Ralph Slosser
Dirección artistica	George Troast
Producción	Helen Ainsworth
Guión orichinal	Adele Buffington
Musica	Leith Stevens
Fotografía	John J. Martin
Montache	Thor L. Brooks
Escenografía	Herman N. Schoenbrun
Maquillache	Jack P. Pierce Carlie Taylor
Actors	Guy Madison Rhonda Fleming James Griffith Don Beddoe Peter Adams Dan Sheridan Burt Nelson Al Terr Tim Graham Hank Worden Wayne Mallory Barbara Wooddell Rush Williams Don Shelton Jack Reynolds Frank Griffin Iron Eyes Cody Jack Carr Rick Vallin Sol Goss
Color	Color by DeLuxe Cinemascope Technicolor
Datos y cifras
País(es)	Estaus Unius
Anyo	1958
Debantadera	13 de mayo de 1958 Nueva York (Nueva York, Estaus Unius)
Chenero(s)	Cine de western
Durada	80 min.
Idioma(s)	Anglés
Companyías
Productora(s)	Romson Productions William F. Broidy Productions
Distribución	Allied Artists Pictures
Informacions en bases de datos especializadas:

Bullwhip (títol orichinal en anglés, en aragonés Ixordiaca, enguerada en Aragón con o títol en castellano de La mujer del látigo, en aragonés A muller de l'ixordiaca) ye una cinta de cine estausunidense de cine de western enguerada l'anyo 1958, dirichida por Harmon Jones, con una banda sonora orichinal de Leith Stevens, una dirección de fotografía de John J. Martin y una producción cinematografica de Helen Ainsworth ta las productoras Romson Productions y William F. Broidy Productions. De l'elenco d'a cinta en fan parte, entre d'atros actors, Guy Madison, Rhonda Fleming, James Griffith, Don Beddoe, Peter Adams, Dan Sheridan, Burt Nelson, Al Terr, Tim Graham, Hank Worden, Wayne Mallory, Barbara Wooddell, Rush Williams, Don Shelton, Jack Reynolds, Frank Griffin, Iron Eyes Cody, Jack Carr, Rick Vallin y Sol Goss.

Steve Daley se troba en a garchola amán d'estar aforcau por haber matau a un hombre en defensa propia, cuan lo chuez corrupto li proposa que lo dixará defuyir si accepta casar-se con una muller que diz que amenista estar casada ta recibir l'herencio d'o suyo mariu recient falleixiu. Steve accepta pero cuan marcha d'a garchola li dispara Karp, un pistolero que treballa ta lo "sheriff", salvando-se por a intervención de Podo, un amigo suyo que chusto plega en ixe inte en o lugar. Dimpués de marchar d'o lugar, troban a John Parnell, un ranchero d'o lugar, qui lis explica que la muller con la que s'ha casau ye Cheyenne O'Malley, que ye la suya competidora en o comercio de piels, que aproveita que ye mestiza en estar su mai una cheyenne y tener a protección d'a tribu que sindembargo ataca los transportes de Parnell. Iste ufre a Steve y a Podo que treballen ta él y convenzan a Cheyenne, pero a la vegada paga a Karp ta que los siga. Cuan Steve troba lo transporte de piels de Cheyenne, imposa los suyos dreitos como esposo, encara que la muller fa servir a suya ixordiaca. Cheyenne ha desembolicau una atracción por Steve pero dimpués d'una baralla entre éls li roba lo documento que preba la existencia d'a voda, a la vegada que Karp la li roba a ella y la entrega a Parnell, qui fa chantache a Cheyenne ta que li ceda la mitad d'o suyo negocio a cambio de recuperar-lo.

A cinta s'ambienta en Kansas en bel momento indeterminau d'a segunda metat d'o sieglo XIX y las suyas escenas se filmoron en o rancho Kenny en Murphys y en Columbia (California).

Elenco

Actor	Papel	Notas
[[]]	'

Se veiga tamién

• Cine en 1958.
• Cintas de 1958.

Vinclos externos

• (en) Bullwhip en Internet Movie Database.
• (en) Bullwhip en l'American Film Institute Catalog de l'American Film Institute.
• (en) Bullwhip en TCM Movie.

• Datos: Q15667065