Bridget Jones's Diary

Iste articlo ye sobre una cinta de comedia romantica de l'anyo 2001: ta la novela, se veiga Bridget Jones's Diary (novela).

Bridget Jones's Diary
Títol	Bridget Jones's Diary
Póster d'a cinta.
Ficha tecnica
Dirección	Sharon Maguire
Dirección artistica	Paul Cross David Warren
Producción	Tim Bevan Eric Fellner Jonathan Cavendish
Disenyo de producción	Gemma Jackson
Guión adaptau	Helen Fielding Andrew Davies Richard Curtis
Basau en	Bridget Jones's Diary, novela de Helen Fielding (1996)
Musica	Patrick Doyle
Fotografía	Stuart Dryburgh
Montache	Martin Walsh
Escenografía	Shirley Lixenberg
Vestuario	Rachael Fleming
Maquillache	Carmel Jackson Graham Johnston Lorna McGowan Laura McIntosh Martine Randall Emma Sheldrick Rebecca Walker Vanessa White Karen Cohen
Peluquería	Graham Johnston Karen Cohe
Casting	Michelle Guish
Actors	Renée Zellweger Colin Firth Hugh Grant Jim Broadbent Gemma Jones Celia Imrie James Faulkner Charmian May Paul Brooke Felicity Montagu Shirley Henderson Sally Phillips James Callis Embeth Davidtz Patrick Barlow Lisa Barbuscia Neil Pearson Dolly Wells Donald Douglas
Color	Technicolor
Datos y cifras
País(es)	Francia Irlanda Reino Uniu Estaus Unius
Anyo	2001
Estreno	10 de marzo de 2001 Londres (Reino Uniu) 2 d'abril de 2001 Nueva York (Nueva York, Estaus Unius) 13 d'abril de 2001 Irlanda 9 d'octubre de 2001 Festival de Cine Irlndés y Britanico de Cherbourg-Octeville (Cherbourg-en-Cotentin, A Manga, Francia)
Chenero(s)	Cine de comedia Cine de drama Cine de romance
Durada	96 min.
Idioma(s)	Anglés
Companyías
Productora(s)	Universal Pictures StudioCanal Working Title Films Little Bird
Distribución	United International Pictures
Estudio(s)	Shepperton Studios
Presupuesto	25 millons de dólars
Recauto	282 millons de dólars
Succesión de cintas
Succedida por	Bridget Jones: The Edge of Reason (2004, Beeban Kidron)
Informacions en bases de datos especializadas:

Bridget Jones's Diary (títol orichinal en anglés, en aragonés Diario de Bridget Jones, estrenada en Aragón con o títol en castellano d'El diario de Bridget Jones, en aragonés O diario de Bridget Jones) ye una cinta de cine de comedia dramatica romantica coproducida por o cine irlandés, o cine estausinidense, lo cine britanico y lo cine francés, estrenada l'anyo 2001, dirichida por Sharon Maguire seguntes un guión adaptau por Helen Fielding, Andrew Davies y Richard Curtis (basau en a novela Bridget Jones's Diary, que heba publicau Helen Fielding l'anyo 1996), con una banda sonora orichinal de Patrick Doyle, una dirección de fotografía de Stuart Dryburgh y una producción cinematografica de Tim Bevan, Eric Fellner y Jonathan Cavendish ta las productoras Universal Pictures, StudioCanal, Working Title Films y Little Bird. Fan parte de l'elenco d'actors d'a cinta, entre d'atros, Renée Zellweger, Colin Firth, Hugh Grant, Jim Broadbent, Gemma Jones, Celia Imrie, James Faulkner, Charmian May, Paul Brooke, Felicity Montagu, Shirley Henderson, Sally Phillips, James Callis, Embeth Davidtz, Patrick Barlow, Lisa Barbuscia, Neil Pearson, Dolly Wells y Donald Douglas.

Bridget Jone ye una choven de 32 anyadas, soltera y preocupada por as suyas chicotas imperfeccions y por a posibilidat de ganar peso. Treballa en Londres en una empresa editorial y tien fantasías con Daniel Cleaver, lo suyo chefe, un conoixiu picaflors. En una fista en casa de sus pais troba a Mark Darcy, un antigo conoixiu d'a suya infancia, que agora ye un prestichioso avogau, qui la clama vulgar y ababol, y ella li diz que ye arrogant y bastaixo. Pero cuan escuita a Mark criticar-la con su mai, se fa lo proposito de fer cambios en a suya vida. Decide prencipiar por escribir un diario a on anotará los suyos abances ta deixar de fumar, de beber y de ganar peso, y ta trobar a suya parella. Prencipia a fer cimbel a Daniel, qui en trobar-se casualment ambos con Mark li explica que iste heba seduciu a su novia en a universidat de Cambridge y que por ixo son en quimera. Cuan marcha con Daniel u cabo de semana, torna a trobar-se en o mesmo hotel que Mark, a qui acompanya su novia Natasha, que son convidaus tamién a una fiesta de disvraces. Tanimientres, Daniel marcha de raiconte y l'albandona, y Bridget marcha enta la fiesta sola, vestida de coniello de Play.Boy, sin saber que la fiesta de disvraces s'a cancelau y ye una fiesta normal. Cuan Bridget torna enta Londres y marcha enta la casa de Daniel, lo troba en companyía de Lara, una companyera de treballo estausunidense, y lo deixa. Bridget torna a coincidir con Mark y Natasha, y Mark li confiesa que la quiere como ye, atamas d'os suyos defectos. Cuan i plega Daniel, que va bien fizau, Mark se baralla con él. Casualment, Pamela, la mai de Bridget, li diz a ista que qui enganyó con a suya novia a l'atro no estió Mark, so que Daniel. Finalment, Bridget confiesa a Mark que ye enamorada d'él, pero Mark ye comprometiu ya con Natasha.

Bridget Jones's Diary s'ambienta en Londres en a suya epoca actual (2001) y las suyas escenas se filmoron en Barnet, Londres y Westminster (Gran Londres), Shere (Surrey), Stansted Mountfitchet (Essex), Stoke Poges (Buckinghamshire), y Gloucester y Snowshill (Gloucestershire), amás d'en os Shepperton Studios en Shepperton (Surrey).

Se trata d'una cinta que ha recibiu cuantos premios y nominacions, en destacando una nominación a lo Premio Oscar a la Millor Actriz en 2002 mientres a 74^ena edición d'os Premios Oscar; cuatre nominacions a los Premios BAFTA (Millor Actriz, Millor Actriz Segundaria, Millor Guión Adaptau y Millor Cinta Britanica) en 2002 mientres a 55^ena edición d'os Premios BAFTA; un Premio Jameson d'o Publico d'os Premios d'o Cine Europeu a o Millor Actor (amás d'a nominación a lo Premio d'o Cine Europeu a la Millor Cinta) en 2001 mientres a 14^ena edición d'os Premios d'o Cine Europeu; dos nominacions a los Premios Globos d'Oro (Millor Cinta de Musical u Comedia y Millor Actriz de Musical u Comedia) en 2002 mientres a 59^ena edición d'os Premios Globos d'Oro; y una nominación a lo Premio Goya a la Millor Cinta Europea en 2002 mientres a 16^ena edición d'os Premios Goya.

Elenco

Actor	Papel	Notas
	'

Se veiga tamién

• Cine en 2001.
• Cintas de 2001.

Vinclos externos

• (en) Bridget Jones's Diary en Internet Movie Database.
• (en) Bridget Jones's Diary en Box Office Mojo.
• (en) Bridget Jones's Diary en Rotten Tomatoes.

• Datos: Q752313