Ir al contenido

Bozo de Vernera

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Bozo de Vernera
Bozo de Bernera
Situación
Situación Aragüés de lo Puerto (Uesca)
Latitut
Lonchitut
Vértiz cheodesico
Cheografía
Cordelera Sierras interiors pirenencas
Sierra Sierra Vernera
Macizo
Altaria 2.454 m
Alpinismo
Primera puyada
Ruta mas fácil Dende Lizara
Mapa

Bozo de Vernera (en castellano Bozo de Bernera) ye un pico d'o Pireneu aragonés que tien una altaria de 2.454 m y se troba en a sierra Vernera.

Toponimia[editar | modificar o codigo]

O termín "bozo" fa referencia a una piedra graniza, u a vegadas conchunto de cantals, que s'ha eslurtau d'un mont y remane en o fundo u o curso d'un río, fendo d'entrepuz a o paso de l'augua que ha de pasar por dencima u por debaixo.[1]

L'oronimo Vernera ye d'orichen galo y significa selva d'alvernices. L'alverniz (Alnus sp) recibiba la denominación en galo de *Verno, palabra que pasó a las luengas galorromanicas a traviés d'o latín galico VERNUS u VERNA y yera present en latín medieval en derivaus como VERNARIA u VERNIARIA ("selva d'alvernices"). En Occitania existe la denominación de vernièra u vernieira pa nombrar formacions vechetals d'esta especie, y bi ha uns cuantos toponimos y microtoponimos formaus a partir d'esta palabra. Estos toponimos pueden trobar-sen afrancesaus como Vernière y son cognatos de l'oronimo aragonés Vernera. Lo fitonimo aragonés alverniz proviene tamién d'o latín galico VERNUS u VERNA pero con atra sufixación.[2]

Referencias[editar | modificar o codigo]

  1. (an) CASAUS PARRILLA, Chesús y MIGUEL BALLESTÍN, Pascual, Dizionario Aragonés de Terminos Cheograficos; Gara d'Edizions. Zaragoza, 2008. ISBN 978-84-8094-059-7
  2. (es) Francho Nagore Laín: Verne: su significado y etimología, sus variantes, sus territorios. Publicau en: Otro Viaje extraordinario. Editor: Prensas de la Universidad de Zaragoza, 2017.

Vinclos externos[editar | modificar o codigo]