Bluetooth

De Biquipedia
Ir a la navegación Ir a la búsqueda
Bluetooth.

Bluetooth ye un estandar de tecnolochía inalambrica[1] utilizau pa intercambiar datos entre dispositivos fixos y mobils a distancias curtas emplegando ondas de radio UHF de longaria d'onda curta en as bandas de radio industrials, scientificas y medicas, dende 2.402 GHz a 2.480 GHz, y construir retz d'aria personal (PAN). Orichinalment estió concebiu como que una alternativa inalambrica a os cables de datos RS-232.

Bluetooth ye administrau por o Bluetooth Special Interest Group (u SIG), que conta con mas de 35,000 companyías miembros en as arias de telecomunicacions, informatica, retz y electronica de consumo.

Historia[editar | editar código]

O desembolique d'a tecnolochía de radio de "vinclo curto", mas tarde clamada Bluetooth, estió encetada en 1989 por Nils Rydbeck, en Ericsson Mobile en Lund, Suecia. O primer dispositivo Bluetooth de consumo se lanzó en 1999. Estió un auricular mobil de mans libres que obtenió o "Premio a la millor tecnolochía" en COMDEX. O primer telefón mobil Bluetooth estió o Ericsson T39 que plegó a las botigas en 2001. IBM ThinkPad A30 en octubre de 2001 estió lo primer ordinador portiable con Bluetooth integrau.

[editar | editar código]

O nombre Bluetooth ye una versión anglesa d'os escandinavos Blåtand u Blåtann (en norrén antigo blátǫnn), l'epiteto d'o rei d'o sieglo X Harald Dient azul (en anglés Harald Bluetooth) que chuntó a las tribus danesas disonants en un solament reino. A implicación ye que Bluetooth achunta os protocolos de comunicación como que o rei Harald Dient azul fazió con as diferents tribus.

O logo de Bluetooth ye a chunta d'as runas Hagall(ᚼ) y Bjarkan(ᛒ), as inicials de Harald Bluetooth.

Menas[editar | editar código]

Mena Potencia maxima permitida (mW) Alcanz
1 100 mW ~100 metros
2 2.5 mW ~5-10 metros
3 1 mW ~1 metro
4 0.5 mW ~0.5 metro

Versions[editar | editar código]

Versión Amplo de banda
1.2 1 Mbit/s
2.0 + EDR 3 Mbit/s
3.0 + HS 24 Mbit/s
4.0 32 Mbit/s
5 50 Mbit/s[2]

Referencias[editar | editar código]

  1. (en) Dictionary of Computer and Internet Terms, Barron's Educational Series, 2012, ISBN 978-0764147555, p.59
  2. (en) "Bluetooth Core Specifications"