Black Knight (cinta)
- Iste articlo ye sobre una cinta estausunidense de comedia d'aventuras fantasticas estrenada en 2001; ta atros usos, se veiga Black Knight.
_P%C3%B3ster.jpg)
Black Knight (títol orichinal en anglés, en aragonés O caballero negro, estrenada en Aragón con o suyo títol traduciu enta lo castellano como El caballero negro) ye una cinta de cine de comedia d'aventuras fantasticas coproducida por o cine estausunidense y lo cine polaco, estrenada en l'anyo 2001. Ye dirichida por Gil Junger seguntes un guión orichinal de Darryl J. Quarles, Peter Gaulke y Gerry Swallow, con una dirección de fotografía de Ueli Steiger, una banda sonora orichinal de Randy Edelman, una producción cinematografica d'Arnon Milchan, Darryl J. Quarles, Michael Green y Paul Schiff y un elenco d'o cual en fan parte, entre d'atros actors, Martin Lawrence, Marsha Thomason, Tom Wilkinson, Kevin Conway, Vincent Regan, Daryl Mitchell, Michael Countryman, Jeannette Weegar, Erik Jensen y Dikran Tulaine.
Jamal Walker treballa en Medieval World, un parque tematico sobre la Edat Meya en Los Angeles que ye amán de desapareixer como consecuencia d'a competencia d'un atro parque amanau. La suya chefa y propietaria d'o parque ye decepcionada con él en estar un treballador bien galbán y que siempre procura fuyir de cualsiquier responsabilidat. Bel día ye limpiando lo foso d'o castiello d'o parque y i veye un medallón. Cuan preba de pillar-lo, caye en l'augua y se veye transportau enta l'Anglaterra de l'anyo 1328. En o castiello (que él creye en primeras que ye lo d'o parque tematico d'a competencia) creyen que ye un mensachero esclavo que provién de Normandía, en estar esperando a un mensachero procedent d'ixe lugar que viendrá a solicitar a man d'a princesa d'o reino ta unir toz dos territorios. O motivo d'a confusión ye que cuan li preguntan que d'a on ye, diz estar de Florencia y Normandía, en referir-se en realidat a la confluyencia d'as avenidas Florence Avenue y Normandie Avenue de Los Angeles. Conoix que no ye un parque tematico cuan veye la decapitación d'un líder rebel, y bien luego conoix a Victoria, una cambrera nubia, qui li explica que lo rei ye un usurpador y que la verdadera reina ye amagada y bi ha una conspiración ta reposar-la en o trono. Se presenta con o nombre de Jamal "Sky" Walker y gana la confianza d'o rei en evitar o suyo asasinato, pero ixa confianza se creba cuan lo troban en o leito con a filla d'o rei (encara que Jamal pensaba que yera Victoria) y ixo fa que lo ninviau de Normandía refuse lo matrimonio entre la princesa y lo suyo sinyor. Engarcholau y amán d'estar executau, consigue fuyir cuan o verdugo yera preparau, y consigue unir-se a los rebels, lideraus por a reina y por sir Nolte, un antigo caballero que agora s'ha convertiu en un alcoholico, y consigue que los rebels asalten o castiello con a intención de liberar a Victoria, que i ye presonera, y tornen o trono a la reina lechitima.
A cinta s'ambienta en dos momentos historicos y lugar diferents: en a suya epoca actual (2001) en Los Angeles (California) en Estaus Unius y en 1328 en Anglaterra en o reino d'Anglaterra, en l'actual Reino Uniu. As suyas escenas se filmoron en Carolina Beach y Wilmington (Carolina d'o Norte), amás d'en os EUE/Screen Gems Studios en Wilmington.[2]
Black Knight ye una cinta que ha recibiu bels premios y nominacions, encara que garra d'éls no fa parte d'os premios cinematograficos mas conoixius u destacaus.
Elenco[3]
[editar | modificar o codigo]| Actor | Papel | Notas |
|---|---|---|
| ' |
Se veiga tamién
[editar | modificar o codigo]Referencias
[editar | modificar o codigo]- ↑ 1,0 1,1 (en) Estreno de Black Knight en Internet Movie Database.
- ↑ (en) Localizacions de Black Knight en Internet Movie Database.
- ↑ (en) Black Knight en Internet Movie Database.
Vinclos externos
[editar | modificar o codigo]- (en) Black Knight en Internet Movie Database.
- (en) Black Knight en Rotten Tomatoes.
- (en) Black Knight en Box Office Mojo.
| Control d'autoridaz |
|
|---|
Datos: Q1468455
- Cintas por títol
- Cintas de 2001
- Cintas ambientadas en Anglaterra
- Cintas ambientadas en Los Angeles
- Cintas ambientadas en 1328
- Cintas ambientadas en 2001
- Cintas con banda sonora orichinal de Randy Edelman
- Cintas con dirección de fotografía de Ueli Steiger
- Cintas con guión de Darryl J. Quarles
- Cintas con guión de Gerry Swallow
- Cintas con guión de Peter Gaulke
- Cintas con montache de Michael R. Miller
- Cintas de cine d'aventuras
- Cintas de cine de comedia
- Cintas de cine de fantasía
- Cintas d'Estaus Unius
- Cintas de Polonia
- Cintas dirichidas por Gil Junger
- Cintas en anglés
- Cintas en Color by DeLuxe
- Cintas interpretadas por Daryl Mitchell
- Cintas interpretadas por Dikran Tulaine
- Cintas interpretadas por Erik Jensen
- Cintas interpretadas por Jeannette Weegar
- Cintas interpretadas por Kevin Conway
- Cintas interpretadas por Marsha Thomason
- Cintas interpretadas por Martin Lawrence
- Cintas interpretadas por Michael Countryman
- Cintas interpretadas por Tom Wilkinson
- Cintas interpretadas por Vincent Regan
- Cintas producidas por Arnon Milchan
- Cintas producidas por Darryl J. Quarles
- Cintas producidas por Michael Green
- Cintas producidas por Paul Schiff
- Cintas rodadas en Carolina Beach
- Cintas rodadas en Wilmington (Carolina d'o Norte)