Bisturí

Bisturís u lancetas.

Un bisturí u lanceta ye un traste de fuella chicota y extremadament esmolada que se fa servir pa cirurchía, disección anatomica, podolochía y quantas artes y oficios. Os bisturís pueden estar d'un solo emplego refusables u reutilizables. Os bisturís reutilizables pueden tener fuellas fixas que se pueden esmolar u, mas comunament, fuellas extraíbles d'un solo emplego. Os bisturís refusables per un regular tienen un mango de plastico con una fuella extensible (como un cutiello multiusos) y se fan servir una vegada, dimpués se repuya tot o traste. As fuellas de bisturí de normal s'envasan individualment en bolsas esterils, pero tamién s'ofreixen sin esterilizar.

As fuellas de bisturí cheneralment son feitas d'acero enduriu y atemperau, acero inoxidable u acero con alto conteniu de carbonio; amás, no son raros os cutiellos de titanio, ceramica, diamant y mesmo obsidiana. Per eixemplo, quan se realiza una cirurchía baixo a guía d'a imachen por resonancia magnetica, as fuellas d'acero no se pueden fer servir (as fuellas serían atraitas per os imans y tamién causarían artefactos en a imachen). Historicament, o material preferiu pa os bisturís quirurchicos yera l'archent. Beluns fabricants tamién ofreixen fuellas de bisturí con un canto recubierto de nitruro de circonio pa amillorar l'esmolau y a retención d'o canto. Atros fabrican fuelletas recubiertas de polimero pa amillorar a suya lubricidat mientres un curte. As alternativas a los bisturís en aplicacions quirurchicas incluyen electrocauterio y laser.

Pillando lo bisturí

Lo bisturí se puede acarrazar de dos guisas:

• 

  .

• 

  .