Viliella d'Ebro

De Biquipedia
(Reendrezau dende Biliella d'Ebro)
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Este articlo tracta sobre Viliella d'Ebro. Pa atros emplegos de lo toponimo Viliella se veiga Viliella.
Viliella d'Ebro
Municipio d'Aragón
Bandera Escudo d'armas
Sant Nicolau de Bari
Sant Nicolau de Bari.
Entidat
 • País
 • Provincia
 • Comarca
Municipio
 Aragón
 Zaragoza
Ribera Baixa d'Ebro
Partiu chudicial Casp
Superficie 59,8 km²
Población
 • Total

202 hab. (2013)
Altaria
 • Meyana

152 m.
Distancia
 • 50 km

enta Zaragoza
Alcalde María Rosario Gómez Puyoles
Codigo postal 50760
Parroquial
 • Archidiocesi
 • Arcipestrau

Zaragoza
Quinto
Ríos Ebro
Coordenadas
Viliella d'Ebro ubicada en Aragón
Viliella d'Ebro
Viliella d'Ebro
Viliella d'Ebro en Aragón
Web oficial

Viliella d'Ebro (Velilla de Ebro en castellano) ye un municipio de la provincia de Zaragoza, situau en la comarca de la Ribera Baixa d'Ebro. La suya población ye de 215 habitants (2018), en una superficie de 59,8 km² y una densidat de población de 3,76 hab/km².

Cheografía[editar | modificar o codigo]

Viliella d'Ebro ye situada en la marguin ezquierda u norte d'Ebro, a piet de lo cabezo de Purburel.

Mugas[editar | modificar o codigo]

Lo termin municipal de Viliella d'Ebro muga con Quinto, Exelsa, Sastago, Alforc, La Zaida y con un enclau de lo termin de Belchit dito El Real.

Exelsa Exelsa Exelsa
Quinto Sastago
Belchit, La Zaida Alforc, Sastago Sastago

Historia[editar | modificar o codigo]

Estió una de las primeras colonias romanas de la Val d'Ebro, Lepida Celsa, en lo sieglo I aC. Bi ha un chacimiento romano y museu explicativo.

En la Edat Meya bi heba un peache, nombrau en las actas de lo proceso de corz d'Alcanyiz de 1436, a on figura lo texto Capbreu del peage que se culle en el lugar de Viliella, rivera de Ebro, e en sus terminos, assi por tierra como por agua e no en otra part, de otras cosas.

Toponimia[editar | modificar o codigo]

Lo toponimo deriva de lo latín VILLA, con una simplificación de la -LL- cheminada latina que ye regular pa esta palabra en catalán y en occitán. Seguntes José Luis Gutiérrez Cebrecos, los toponimos Velilla de Castiella u Villela de Burgos, que provienen de lo latín Villella, s'explican porque la forma teorica Villilla, documentada en Castiella en 1153, ye poco eufonica y se simplificó cambiando fonemas, fendo una disimilación de -ll- por -l-.

Entre las primeras citas d'iste lugar baixo-riberano tenemos la Bula d'Hadrián IV, un texto latín de 1158 con toponimos latinizaus, en lo cual ixe Papa confirmó a lo bispe de Zaragoza la posesión de las ilesias de la diocesi, y confirma las mugas de lo bispato d'acuerdo con las que fació lo rei visigodo Wamba:

ecclessias de Casp, Nonasp, et de Michinentia et de Scatron, Sastago, Vilela, Pina, Cohera, Salz, Gorrea, et de Espanes, cum omnibus suis pertinentiis

En los documentos de l'Archivo de lo Pilar bi ha una mención prou segura a Viliella de 1141:

in Belchit senior Lop Sanç, in Fontes suprascripto Galin Acenariç, in Pina Garcia Ortiç, in Bilela Auger.

(1141)

En ixos documentos bi ha atras citas a una Viliella (1176, 1192), en toz los casos con lo nombre latinizau (Petro de Uilella, Bilela u Bilella), pero no podemos saber si se refiere a Viliella d'Ebro u a unatra Viliella de lo termin de Zaragoza cerca de Sant Per de Cortada, Pastriz, Movera u Las Mamblas.

En un documento de la Orden de Cistels de 1285 relativo a lo Monesterio de Rueda y Zaila podemos leyer Villiella:

et va al cabezuelo pasada de la val et al cabezo savinoso de la vallada de la carrera de Villiella

En lo libro Fuentes Historicas Aragonesas ye una referencia a Villiella:

Yo Nicholau Andreu notario publico de Villiella et de Romana et de Collera et de Alforch qui esto scribie et mi signo hy fizie

En lo fogache de 1405 ordenau en las Corz de Maella de 1404 Villiela.

Leyemos Villiella cuan en 1409 Benedet XIII concede la gracia de lo quinto decimero a la fabrica de la Seu de lo Salvador de Zaragoza y lo aplican en 1412:

Billiella die dominica XVIII septenbris predictus procurator Petrum Beltrandi qui solvit dicto procuratori Pascasio Melero

En las Actas de lo proceso de Corz d'Alcanyiz de 1436 escriben Viliella, rivera de Ebro:

codigo_postalbreu del peage que se culle en el lugar de Viliella, rivera de Ebro, e en sus terminos, assi por tierra como por agua e no en otra part, de otras cosas[1]

En lo libro Bibliografía Aragonesa del S XVI ye una referencia Viliella:

Viliella, Alforch y Matamala con la condición de volverlos a recuperar

En 1582 lo nombre ya ye castellanizau, pero encara bi ha una forma documentada diferent de l'actual:

Esta medalla tiene la efigie de Diana; es de Augusto; hallose en Villilla de Quinto : año 1582, Martín de Gurrea y Aragón, Discursos de medallas y antigüedades

En lo sieglo XVII, cuan l'astronomo portugués João Batista Labanha recorrió la Ribera d'Ebro y los Monegros pa fer un mapa que lo reino li heba encargau escribe:

de Candasnos vay a Estrada a Peñalva, donde disse un velho que se continuava te Vililla de Ebro e quelle havia visto e assy Segundo me disserao

En 1704 se troba la forma Vililla:

que ahora son Vililla, Xelsa o Loarre

Bi ha bel microtoponimo con components aragoneses: Leja de río, Lejas (referiu a los terrenos que dixa lo río, lexas en luengache medieval).[2] Bi ha un mont con 226 m dito Lebatas que deriva de lo latín GLEBATA.

Ye intresant lo microtoponimo Valpodrida, entre Exelsa y Viliella d'Ebro, que se troba tamién en textos de la Documentación medieval de la Corte del Justicia de Ganaderos de Zaragoza:

El primer mullón al Burgo, travesando el Plano de Fuentes y va a la loma de [supra: entre] Val de Palazín, la Val Podrida adelant; de aquí al Pueyo del Águila y puya la loma a suso de aquí en vista del camino de Mediana et de allí abant al...

Demografía[editar | modificar o codigo]

Evolución demografica
2012 2013 2014 2015 2016 2017 2018 2019 2020
- - - - - - 215 - -

2021 2022 2023 2024 2025 2026 2027 2028 -
- 200 - - - - - - -

1990- : población de dreito.
Fuent: Intercensal en l'INE, Series de población en l'INE y Relación d'unidatz poblacionals en l'INE.

Administración[editar | modificar o codigo]

Reparto de concellers[editar | modificar o codigo]

Eleccions municipals[3]
Partiu 1979 1983 1987 1991 1995 1999 2003 2007 2011
Partido Aragonés - 4 4 4 5 4 1 4 6
Partido de los Socialistas de Aragón 3 3 3 3 2 3 4 3 1
Unión de Centro Democrático 4 - - - - - - - -
Total 7 7 7 7 7 7 5 7 7

Alcaldes[editar | modificar o codigo]

Lista d'alcaldes
Lechislatura Nombre Partiu politico
19791983 Fernando Tella Rozas UCD
19831987
19871991
19911995
19951999
19992003
20032007
20072011 María Rosario Gómez Puyoles Partido Aragonés
20112015 María Rosario Gómez Puyoles Partido Aragonés
20152019 María Rosario Gómez Puyoles Partido Aragonés
20192023
20232027 Maria Rosario Gomez Puyoles [4] PAR

Molimentos[editar | modificar o codigo]

  • Ermita de Sant Nicolau de Bari: ye en lo centro de l'antiga ciudat romana y seguntes a tradición ye construita en lo mesmo puesto que lo templo de Diana. Ye esta ermita a on que yera la Campana de Viliella dica lo Sieglo XIX. Esta campana yera famosa por estar agorera y anunciar desastres como la Batalla de Ponza.

Encara se deciba de Sant Nicolau cuan en 1564 ya yera oficial lo castellano en lo Reino d'Aragón:

estando yo Domingo de Bieesa notario y testigos inffrascriptos arriba en el tejado de la yglesia del glorioso senyor Sant Nicolau en donde esta la campana del milagro del senyor Sant Nicolau entre las doze y la una ora...

Fiestas[editar | modificar o codigo]

Vinclos externos[editar | modificar o codigo]

Referencias[editar | modificar o codigo]

  1. (an)(es) María Teresa Iranzo Muñío ACTA CURIARUM REGNI ARAGONUM. Tomo IX - Vol.2 1 Cortes del reinado de Alfonso V / 1 Actas de las Cortes de Alcañiz de 1436. Grupo de Investigación CEMA, 2007. p 811
  2. (es) Juan Antonio Frago Gracia: Toponimia navarroaragonesa del Ebro (V) yermos y pastizales. Archivo de Filología Aragonesa, nº XXXVIII. 1986. pp. 105-107.
  3. https://web.archive.org/web/20110105133451/http://portal.aragob.es/archelec/index.jsp
  4. (es) Consulta el listado de alcaldes que han sido proclamados en Aragón en Heraldo de Aragón

Bibliografía[editar | modificar o codigo]