Bikini
O bikini[1] (de l'anglés bikini y iste d'o toponimo Bikini, un atolón situau en o Pacifico) es un banyador femenín formau por un sustén y una braga cenyida. Fue creyau en 1946 por l'incheniero automovilistico francés Louis Reard.
Historia
[editar | modificar o codigo]O moderno banyador femenín de dos piezas fue presentau en primeras por Jacques Heim, un modista de Canas, en o verano de 1946.[2] Decidiu a promover l'invento por toz os meyos, Heim logó un avión y fació escribir en o ciel o eslogan: "l'atomo, o banyador mas chicot d'o mundo".[2] Manimenos Heim no tenió buena estrela, porque paralelament un incheniero y disenyador de banyadors de París, Louis Réard, heba desarrollau a mesma ideya, pero muito mas gosada, ya que deixaba o melico a la vista.[2] Réard presentó o suyo producto en a Piscina Molitor de París o 5 de chulio de 1946.[3]
Réard baptizó o suyo producto con o nombre de l'atolón de Bikini, en as islas Marshall, a on se facioron as primeras prebatinas d'explosions nuclears en l'anyo 1946, tot chugando a o paralelismo con o caracter eroticament "explosivo" d'a pieza. O nombre s'estendilló ascape debiu a l'actualidat de l'atolón, a suchestión d'o prefixo bi- y a publicidat. Por eixemplo, o diario Le Monde deciba, o 1947, que «o minimalista bikini ye chocant como a mesma esclatada».
Os primers anyos, nomás actrices como Brigitte Bardot apareixeban publicament en bikini, mas que mas mientres as presentacions d'o Festival de Cine de Canas.[2]
Referencias
[editar | modificar o codigo]- ↑ (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
- ↑ 2,0 2,1 2,2 2,3 (ca) L'increïble vestit minvant. El banyador a través de la història, també a Catalunya. Ròmul Brotons. Albertí Editor, 2011. ISBN 84-7246-090-4
- ↑ (en) 60 Years of Bikinis. Elizabeth D. Hoover. American Heritage Inc. 5 de chulio de 2006