Big Mommas: Like Father, Like Son

Big Mommas: Like Father, Like Son
Títol	Big Mommas: Like Father, Like Son
Ficha tecnica
Dirección	John Whitesell
Aduyant de dirección	William Paul Clark
Dirección artistica	Mark Garner
Producción	David T. Friendly Michael Green
Disenyo de producción	Meghan C. Rogers
Guión adaptau	Matthew Fogel
Basau en	una historia de Matthew Fogel y Don Rhymer con personaches creyaus por Darryl Quarles
Musica	David Newman
Soniu	Matt Andrews Maurizio Armato Beau Borders Kerry Carmean-Williams Michael P. Clark Nerses Gezalyan Nicole CoCo Hankerson Gary A. Hecker Whit Norris Kevin O'Connell Kelly Oxford Matt Robinson Steve Schatz Danial Shimiaei David Stanke Greg Steele Kevin J. Summers Jay Ticer Karen Vassar Triest Greg Zimmerman
Fotografía	Anthony B. Richmond
Montache	Priscilla Nedd-Friendly
Escenografía	Frank Galline Clizzy Houston
Vestuario	Leah Katznelson
Maquillache	John R. Bayless Mike Elizalde Selena Evans-Miller Thomas Floutz André Freitas Clayton Martinez Conor McCullagh Theresa McCoy McDowell Beverly Jo Pryor Carol Rasheed Kamani Sawyer Toby Sells Wesley Wofford
Peluquería	Andrea C. Brotherton Frank Crosby Camille Friend Vincent Gideon Andrea Young
Efectos especials	Scanlan Backus Darin Bouyssou Russell Lukich Eric A. Martin Tyler C. Martin Brian Rae Sally Ray Lisa Reynolds Bob Shelley Mario Torres Jr. Neil Winn
Casting	Kim Coleman Mark Fincannon Alexa L. Fogel
Actors	Martin Lawrence Brandon T. Jackson Jessica Lucas Portia Doubleday Michelle Ang Emily Rios Tony Curran Marc John Jefferies Sherri Shepherd Mari Morrow Faizon Love Ken Jeong Ana Ortiz Max Casella Brandon Gill
Datos y cifras
País(es)	Estaus Unius
Anyo	2011
Estreno	16 de febrero de 2011 Reino Uniu 18 de febrero de 2011 Estaus Unius
Chenero(s)	Cine de comedia Cine policiaco
Durada	107 min.
Idioma(s)	Anglés
Companyías
Productora(s)	Regency Enterprises New Regency Productions Friendly Films Runteldat Entertainment The Collective Dune Entertainment
Distribución	20th Century Fox
Presupuesto	32 millons de dólars
Recauto	82,7 millons de dólars
Succesión de cintas
Precedida por	Big Momma's House 2 (2006, John Whitesell)
Informacions en bases de datos especializadas:

Big Mommas: Like Father, Like Son (títol orichinal en anglés, en aragonés Grans mamás: fillo de pai, estrenada en Aragón con o títol en castellano d'Esta abuela es mi padre, en aragonés Ista avuela ye mi pai) ye una cinta de cine estausunidense de cine de comedia policiaca estrenada l'anyo 2011, dirichida por John Whitesell seguntes un guión adaptau por Matthew Fogel (basau en una historia d'o mesmo Matthew Fogel y Don Rhymer con personaches creyaus por Darryl Quarles), con una banda sonora orichinal de David Newman, una dirección de fotografía d'Anthony B. Richmond, una producción cinematografica de David T. Friendly y Michael Green ta las productoras Regency Enterprises, New Regency Productions, Friendly Films, Runteldat Entertainment, The Collective y Dune Entertainment, y que conta con un elenco d'actors d'o cual en fan parte, entre d'atros, Martin Lawrence, Brandon T. Jackson, Jessica Lucas, Portia Doubleday, Michelle Ang, Emily Rios, Tony Curran, Marc John Jefferies, Sherri Shepherd, Mari Morrow, Faizon Love, Ken Jeong, Ana Ortiz, Max Casella y Brandon Gill. Antiparte, ye la tercer cinta d'una serie de cintas que prencipió con Big Momma's House (2000, Raja Gosnell) y continó con Big Momma's House 2 (2006, John Whitesell).

L'achent Malcolm Turner d'o Federal Bureau of Investigation ye bien feliz de que a lo suyo entenau Trent Pierce l'haigan admeso en a Universidat Duke, pero lo choven prefiere estar un rapero y li han feito una oferta con o suyo nombre artistico de "Prodi-G" ta una companyía discografica, pero amenista que Malcolm conforme lo contracto en estar menor d'edat. Os amigos de Trent fan que iste apareixca en o treballo de Malcolm chusto cuan ye prebando de pillar a Chirkoff, d'a mafia rusa, emplegando a lo suyo informant Canetti ta entregar a Chirkoff una memoria USB a on suposadament se troban archivos incriminatorios, pero Canetti ye descubierto y el matan, presenciando-lo Trent, cosa que Chirkoff veye. Malcolm el rescata y fuyen, pero Trent li diz que Canetti, estando amán de morir, li ha dito que la verdadera memoria USB se troba amagada en una escuela femenina en Cheorchia, asinas que Malcolm se disvraza nuevament como l'avuela de su muller Sherry, Big Mama, y disvraza a Trent como una falsa sobrina nieta suya, Charmaine, ta conseguir treballar en a residencia femenina como encargada, a la vegada que matricula a la falsa Charmaine como alumna. Toz dos colaboran en investigando a on se i puet trobar a memoria USB, a la vegada que Trent s'enamora de Haley Robinson, qui creye que Charmaine ye la suya amiga. Como Charmanie, Trent proposa a Haley que tienga una cita con o suyo primo, que no ye atro que Trent, y la choven tamién s'enamora d'él. O problema ye que a la vegada que troban a memoria USB apareixen os rusos y tamién se descubre qui son en realidat Malcolm y Trent, descubrindo tamién Haley que Trent l'ha enganyau.

A cinta s'ambienta en a suya epoca actual (2011) en Cheorchia; y las suyas escenas se filmoron en Atlanta, Decatur y Douglasville (Cheorchia).

Big Mommas: Like Father, Like Son ye una cinta que ha recibiu bellas nominacions a bel premio, anque en iste caso no se tracta d'un feito falaguero, en tractar-se de nominacions a los Premios Golden Raspberry.

Elenco

Actor	Papel	Notas
	'

Se veiga tamién

• Cine en 2011.
• Cintas de 2011.

Vinclos externos

• (en) Like Father, Like Son en Internet Movie Database.
• (en) Like Father, Like Son en Box Office Mojo.

• Datos: Q859045