Bergua (municipio)
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
- Iste articlo tracta sobre o municipio desapareixito de Bergua. Ta atros usos de Bergua se veiga Bergua (desambigación).
| Bergua | |
| Antigo municipio d'Aragón | |
| Entidat • País • Provincia • Comarca |
Antigo municipio Aragón.svg){kind=small} UescaSobrarbe |
| Capital | Bergua |
| Municipio actual | Broto |
| Población • Total |
294 hab. (1920) |
| Altaria • Meyana |
1040 m. |
| Distancia • 81 km |
enta Uesca |
| Parroquial • Diocesi • Arcipestrau |
Chaca Biescas |
| Ríos | Forcos |
| Coordenadas | |
Bergua yera un municipio historico d'Aragón que teneba cabecera en o lugar de Bergua, que se troba en un recuesto d'o mont que en dicen o paco de Bergua, en a boca d'a valle d'o río Forcos cara ta l'Ara. Actualment o suyo termin municipal ye absorvito en o municipio de Broto, comarca de Sobrarbe, Uesca.
Cabe suposar que o municipio naixese con a reforma territorial de 1833, cuan naixón os municipios como es entendemos en l'actualidat. Se puede documentar a suya existencia dende o primer censo d'a era moderna, en 1842, dica la suya fusión con o vecino municipio de Basarán en os anyos 1920, en creyando o municipio de Bergua-Basarán.[1]
Cheografía[editar | modificar o codigo]
En primeras, o municipio no incluiba si que as baixants norte d'a punta de Berroy, que cierra parcialment o Sobrepuerto conta la valle de l'Ara por o sureste, sobre o río Forcos. Correspondeban a o suyo termin municipal as partidas de mont que se conoix como paco de Bergua, una selva preta en l'ubago d'a montanya a on que se feba la picada. A madera fue a fuent de riqueza principal d'o municipio en chunto con l'agricultura y, mas que mas, a ganadería.
En istes primers anyos, o termin municipal reculle os monts, campos y partidas tradicionals de lo nuclio de Bergua, con a ermita de Sant Bertolomé y o paco de selva, y limita en o barranco de la Pera con o termín de Basarán por l'ueste, en o río Forcos con os termins d'Ayerbe de Broto y Escartín, en a corona d'a montanya con o termin de Berroy y, en a baixant sud-ueste con o de Sasa de Sobrepuerto.
En o periodo intercensal 1842-1857 Bergua absorve o municipio d'Ayerbe,[1][2] en a man cuentra d'a valle, y s'amplía o suyo termin municipal con un troz mas solano en as garras d'a Manchoya (barranco d'a Fuent Blanca, bco. de Sanzalbe, etc.) que perteneceba a ixe atro nuclio, a pardina d'a Isuala y os campos d'o ventallo aluvial que fa o Forcos en l'Ara cuan desemboca, que tamién yera d'Ayerbe, y o troz de monte que corresponde a la cuenca d'o barranco de Sant Pero y as enrunas de l'antigo monesterio de Sant Per de Rava.
En ixe periodo desapareixen tamién os termins municipals de Berroy[3] (absorvito en Fiscal), Escartín[4] (absorvito por Basarán) y Sasa[5] (absorvita en Cortiellas). Por tot isto, cuan se fizo o censo de 1857 Bergua ya limitaba con os termins municipals de Fiscal, Cortiellas, Basarán y Oto.
Demografía[editar | modificar o codigo]
| ||||||||||||||||||
| ||||||||||||||||||
| ||||||||||||||||||
| ||||||||||||||||||
| 1717-1981: población de feito; 1990- : población de dreito. Fuent: Intercensal en l'INE, Series de población en l'INE y Relación d'unidatz poblacionals en l'INE. | ||||||||||||||||||
Evolución d'a población d'o municipio de Bergua (Ayerbe + Bergua) dende 1857 dica 1920.
Referencias[editar | modificar o codigo]
- ↑ 1,0 1,1 (es) «Bergua» en a subpachina «Alteraciones de los municipios en los Censos de Población desde 1842» d'o Instituto Nacional de Estadística; consultada o 2 d'abril de 2016.
- ↑ (es) «Ayerbe de Broto» en a subpachina «Alteraciones de los municipios en los Censos de Población desde 1842» d'o Instituto Nacional de Estadística; consultada o 2 d'abril de 2016.
- ↑ (es) «Berroy» en a subpachina «Alteraciones de los municipios en los Censos de Población desde 1842» d'o Instituto Nacional de Estadística; consultada o 2 d'abril de 2016.
- ↑ (es) «Escartín» en a subpachina «Alteraciones de los municipios en los Censos de Población desde 1842» d'o Instituto Nacional de Estadística; consultada o 2 d'abril de 2016.
- ↑ (es) «Sarsa de Sobrepuerto» en a subpachina «Alteraciones de los municipios en los Censos de Población desde 1842» d'o Instituto Nacional de Estadística; consultada o 2 d'abril de 2016.