Bengalís

De Biquipedia
Bengalís
বাঙ্গালী / বাঙালি
Major Eid prayers in the city Dhaka.jpg
Bengalís rezando
Rechions con comunidatz importants
Flag of Bangladesh.svg Bangladesh 150.500.000 [1]
Flag of India.svg India 70.000.000 [2]
Flag of Pakistan.svg Pakistán 2.000.000 [3]
Flag of Saudi Arabia.svg Arabia Saudí 2.500.000
Flag of the United Arab Emirates.svg Emiratos Arabes Unitos 1.089.917
Flag of the United Kingdom (3-5).svg Reino Uniu 451.529
Idiomas
Bengalí
Relichión
Musulmana, hinduismo
Pueblos relacionaus
Assamís
Mapa
Map of the Bangladeshi Diaspora in the World.svg

Os bengalís (en bengalí বাঙ্গালী/বাঙালি) son os habitants autoctonos d'o norte d'o golfo de Bengala: Bengala Occidental (a India) y Bengala Oriental (Bangladesh). Parlan una luenga indoaria propia, o bengalí y son musulmans u hinduístas. O modo de vida tradicional ye l'agricultura. Os bengalís superan amplament os 200 millons d'individuos.

Historia[editar | modificar o codigo]

En os zaguers anyos de mandato britanico os bengalís musulmans y os bengalís hinduístas se mataban entre ellos. En agosto de 1946 os musulmans atacoron a los hindús y facioron mortaleras en Calcuta, que tenioron respuesta por part d'os bengalís hinduístas. Se calcula que os muertos plegoron a las 10.000 presonas.

Dimpués d'o mandato britanico os bengalís quedoron dividitos en dos estatos: India y Pakistán, creyatos d'alto u baixo pa deseparar arias de mayoría hinduísta y arias de mayoría musulmana. O Bangladesh actual constituiba o Pakistán Oriental y yera més poblato y rico que o Pakistán Occidental, con o que no teneba continuidat territorial. A deseparación d'os dos estatos significó pa os bengalís movimientos de población masivos: 3 millons de bengalís hinduístas emigroron a la India, en especial t'as rechión_nativa1 d'o noreste y un millón de bengalís musulmans emigroron a Bangladesh.

Ya en os primers anyos d'independencia encomenzoron os conflictos politicos con Pakistán Occidental:

  • A clase politica d'o Pakistán Occidental con 34 millons dominaba a vida politica d'o país encara que o Pakistán Oriental yera més poblato, con 42 millons
  • O estato pakistanés obteneba a mayor part d'os recursos d'exportacions d'o Pakistán Oriental, o chute en particular, pero no invertiba guaire en a suya rechión més productiva.
  • O gobierno pakistanés prebó de fer de l'urdú a luenga nacional d'os musulmans pakistaneses y la ofizial, feito que provocó riotas en Dacca dende 1952 y a formación d'un movimiento d'autodefensa bengalí que se tornará autonomista.

En marzo de 1971 encomenzó una represión contra os autonomistas bengalís que esdevinió o prencipio d'una guerra que remató o 16 d'aviento con a independencia de Pakistán Oriental con o nombre de Bangladesh, "Bengala Oriental". En a represión y dimpués guerra o gobierno de Pakistán prebó d'eliminar a os independentistas, a los intelectuals y a lo que quedaba d'a minoría bengalí hinduísta, os independentistas bangladeshís preneban represalias cuentas a minoría d'os biharís, que no yeran partidarios d'a independencia. A India aduyó a Pakistán Oriental en a suya guerra d'independencia de Bangladesh. Si a lo principio muitos bangladeshís se refuchioron en a India, y a la fin d'a guerra bi heba 8 millons de refuchiatos, os hindús entrebaban a las "Fuerzas de Liberación" u Mukti Bahini.

Dimpués d'a guerra d'independencia a emigración d'os bengalís de Bangladesh enta a India ha continato. A población bengalí ha aumentato en Assam, Tripura y Mizoram, y esto ha producito una reacción hostil por part d'a población autoctona, con movimientos como o Frente Unito de Liberación d'Assam, que preba de forachitar a los bengalís.

Referencias[editar | modificar o codigo]